முத்தக் காட்சியில் கீர்த்தி சுரேஷ்?

‘இது என்ன மாயம்’ படத்தின் மூலம் தமிழில் அறிமுகமான நடிகை கீர்த்தி சுரேஷ், நடிகை மேனகா மற்றும் மலையாள தயாரிப்பாளர் சுரேஷின் மகள் ஆவார். 

தமிழில் விஜய், சூர்யா, சிவகார்த்திகேயன் போன்ற முன்னணி நடிகர்களுக்கு ஜோடியாக நடித்துவந்த கீர்த்தி சுரேஷுக்கு, மறைந்த நடிகை சாவித்ரியின் வாழ்க்கை வரலாற்று திரைப்படமான 'மகாநதி' திருப்புமுனையாக அமைந்தது.

தற்போது, ஹிந்தியில் பேபி ஜான் திரைப்படத்தில் நடிகர் வருண் தவானுக்கு ஜோடியாக நடித்து வருகிறார். இந்த நிலையில், இப்படத்தில் கீர்த்தி சுரேஷ் முத்தக் காட்சி ஒன்றில் நடிக்க ஒப்புக்கொண்ட பிறகே அவரை நாயகியாக ஒப்பந்தம் செய்ததாகத் தகவல் வெளியாகியுள்ளது.

தென்னிந்திய சினிமாவில் பிரபல நடிகையாக இருப்பவர் தற்போது பாலிவுட்டிலும் ஆதிக்கத்தை செலுத்த விரும்புகிறாராம்!