இயக்குநராக வனிதா..! டிரெண்டிங்கில் படத்தின் புரோமோ!

நடிகர் விஜயகுமாரின் மகளான வனிதா விஜயகுமார் நடிகையாக இருக்கிறார். வெள்ளித்திரை, சின்னத்திரை என தொடர்ந்து நடித்து வருகிறார். பிக்பாஸ் நிகழ்ச்சியில் கலந்துகொண்டு கவனம் ஈர்த்தார்.

இதற்கிடையே, அவருக்கும் பீட்டர்பால் என்பவருக்கும் கடந்த 2020 ஆம் ஆண்டு திருமணமானது. ஆனால், சில நாள்களிலேயே இருவரும் பிரிந்ததுடன் பீட்டரும் திடீர் மரணமடைந்தார். தன் குழந்தைகளுடன் தனியாகவே இருப்பதாக வனிதா தெரிவித்தார்.

வனிதா இன்ஸ்டாகிராமில் புகைப்படம் ஒன்றை பதிவேற்றினார். அதில் அவரும் ராபர்ட் மாஸ்டரும் இருக்கும் புகைப்படத்தில் அக்.5 தேதியைக் குறித்துக்கொள்ளுங்கள் என குறிப்பிட்டிருந்ததால் பலரும் திருமண அறிவிப்போ என சந்தேகித்தார்கள்.

அது அடுத்த படத்தின் போஸ்டர் என்று பின்னர் தெரிவிக்கப்பட்டது. மிஸ்டர் & மிஸ்ஸஸ் எனப் பெயரிடப்பட்ட இந்தப் படத்தின் அறிவிப்பு நள்ளிரவு 12 மணிக்கு வெளியானது.

இந்த விடியோ யூடியூப்பில் டிரெண்டிங்கில் 4ஆவது இடத்தில் இருக்கிறது குறிப்பிடத்தக்கது.

இந்தப் படத்தை ஜோவிகா விஜய்குமார் தயாரிக்க வனிதா விஜய்குமார் இயக்கி நடித்துள்ளார். ஸ்ரீகாந்த் தேவா இசையமைத்துள்ளார்.