எல்ஐகே முதல் பாடல் அப்டேட்!

லவ் இன்சூரன்ஸ் கம்பெனி படத்தின் புதிய அப்டேட் வெளியாகியுள்ளது.

இயக்குநர் விக்னேஷ் சிவன் ‘லவ் டுடே’ புகழ் பிரதீப் ரங்கநாதனை வைத்து புதிய படத்தை இயக்கி வருகிறார். 

இப்படத்திற்கு, லவ் இன்சூரன்ஸ் கம்பெனி (எல்ஐகே) எனப் பெயரிட்டுள்ளனர். பிரதீப்புக்கு ஜோடியாக நடிகை கீர்த்தி ஷெட்டியும் முக்கிய கதாபாத்திரத்தில் நடிகர் எஸ்.ஜே.சூர்யாவும் நடித்துள்ளனர்.

இப்படப்பிடிப்பில் பிரதீப் ரங்கநாதனுக்கு அப்பாவாக நாம் தமிழர் கட்சியின் ஒருங்கிணைப்பாளர் சீமான் நடித்துள்ளதாகக் கூறப்படுகிறது.

இப்படம் சயின்ஸ் பிக்சனுடன் இணைந்த காதல் கதையாக இருக்கலாம் என எதிர்பார்க்கப்படுகிறது.

இதையும் படிக்க: துஷாரா பிறந்தநாள்: வீர தீர சூரன் சிறப்பு போஸ்டர்!

இந்த நிலையில், படத்தின் இசையமைப்பாளர் அனிருத் பிறந்த நாளை முன்னிட்டு இப்படத்தின் தீமா என்கிற முதல் பாடலை நாளை (அக்.16) காலை 10.06 மணிக்கு வெளியிட உள்ளதாகத் தயாரிப்பு நிறுவனம் அறிவித்துள்ளது.