’என்றும் சூப்பர் ஸ்டார்’ ரஜினியுடன் புகழ்!

நடிகர் ரஜினிகாந்த்தை நேரில் சந்தித்து வாழ்த்து பெற்றுள்ளார் நடிகர் புகழ்.

குக் வித் கோமாளி நிகழ்ச்சியின் மூலம் பிரபலமடைந்தவர் நடிகர் புகழ். தொடர்ந்து, பல படங்களில் நகைச்சுவை, குணச்சித்திர நடிகராக நடித்து வருகிறார். விரைவில், இவர் நடித்த கோலிசோடா ரைசிங் இணையத் தொடர் வெளியாகவுள்ளது.

இந்த நிலையில், நடிகர் ரஜினிகாந்த்தை அவரின் இல்லத்தில் வைத்து நேரில் சந்தித்துள்ளார் புகழ்.

இதனைத் தெரியப்படுத்த அவர் வெளியிட்ட பதிவில், “ஒவ்வொரு ரசிகனுக்கும் இருக்கும் கனவு தலைவரை நேரில் பார்ப்பது. அப்படி எனக்கு கிடைத்த தருணத்தில், அவ்வளவு இயல்பாகவும், எளிமையாகவும் பேசி பழகினார்.

நான் இட்லி கடையில் இல்லை: அசோக் செல்வன்

மக்கள் அவரை எவ்வளவு உச்சத்தில் வைத்தாலும் அதனை தன் தலையில் கூட ஏற்றிக் கொள்ளாத மனிதர். அதனாலேயே அவர் என்றும் சூப்பர் ஸ்டார்..” எனத் தெரிவித்துள்ளார்.