ஜி.வி.பிரகாஷ் பட பாடலை வெளியிடும் விஜய் சேதுபதி!

நடிகர் ஜி.வி. பிரகாஷ் நடித்துள்ள இடிமுழக்கம் என்ற படத்தின் 2ஆவது பாடலை விஜய் சேதுபதி வெளியிடவிருக்கிறார்.

சீனு ராமசாமி இயக்கத்தில் ஜி.வி.பிரகாஷ் நடித்துள்ள இடிமுழக்கம் படத்தின் முதல் பார்வை போஸ்டரை துணை முதல்வர் உதயநிதி ஸ்டாலின் வெளியிட்டார்.

இடி முழக்கம் படத்தில் ஜி.வி.பிரகாஷிற்கு ஜோடியாக காயத்ரி நடித்துள்ளார். இவர்களுடன் சரண்யா பொன்வண்ணன், அருள்தாஸ், சௌந்தரராஜா உள்ளிட்டோர் முக்கிய வேடங்களில் நடித்துள்ளனர். 

இந்தப் படத்துக்கு என்ஆர் ரகுநந்தன் இசையமைக்க, வைரமுத்து பாடல்களை எழுதியுள்ளார்.

இந்தப் படத்தை ஸ்கை மேன் இன்டர்நேஷனல் நிறுவனம் தயாரித்துள்ளது.

இந்நிலையில் இந்தப் படத்தின் கானா விளக்கு மயிலே என்ற பாடலின் லிரிக்கல் விடியோ இன்று மாலை 6 மணிக்கு நடிகர் விஜய் சேதுபதி, ஆர்யா இணைந்து வெளியிடவருக்கிறார்கள்.

இந்தப் படத்தின் வெளியீட்டுத் தேதி விரைவில் அறிவிக்கப்படும் என்று எதிர்பார்க்கப்படுகிறது.