நடிகை ஷ்ருதி ஹாசன் ஜன நாயகன் திரைப்படத்தில் நடிக்கவுள்ளதாகத் தகவல்கள் சுட்டிக்காட்டுகின்றன.
நடிகர் விஜய் நடிப்பில் உருவாகும் 69-வது படத்தினை எச். வினோத் இயக்குகிறார். இதுதான் விஜய்யின் கடைசி படம் என அறிவித்துள்ளதால் மிகுந்த எதிர்பார்ப்புகளுக்கு மத்தியில் இப்படம் உருவாகி வருகிறது.
ஜன நாயகன் எனப் பெயரிடப்பட்ட இப்படத்தில் நடிகர்கள் பாபி தியோல், பூஜா ஹெக்டே, மமிதா பைஜூ, கௌதம் வாசுதேவ மேனன், நரேன், பிரியாமணி, பிரகாஷ் ராஜ் ஆகியோர் பிரதான கதாபாத்திரங்களில் நடிக்கின்றனர். அனிருத் இசையமைக்கிறார்.
இதையும் படிக்க: விக்ரம் தோற்றத்தில் கமல்ஹாசன்!
ஜன நாயகன் படத்தின் வெளிநாட்டு வெளியீட்டு உரிமத்தை பிரபல நிறுவனம் ரூ. 75 கோடிக்குக் கைப்பற்றியுள்ளதாகத் தகவல்கள் தெரிவிக்கின்றன.
படத்தின் போஸ்டர்கள் வெளியாகி கவனம் பெற்ற நிலையில், இப்படத்தில் நடிகை ஸ்ருதி ஹாசன் இணைய உள்ளதாக புதிய தகவல் வெளியாகியுள்ளது. முக்கிய கதாபாத்திரத்தில் அவர் ஒப்பந்தம் செய்யப்பட்டிருப்பதால் விரைவில் அறிவிப்பு வெளியாகும் எனக் கூறுகின்றனர்.
ஸ்ருதி ஹாசன் நடிகர் ரஜினியுடன் கூலி படத்திலும் நடித்துவருவது குறிப்பிடத்தக்கது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.