உயிர் பத்திக்காம... வா வாத்தியார் படத்தின் முதல் பாடல் வெளியானது!

கார்த்தி நடிப்பில் உருவாகியுள்ள வா வாத்தியார் படத்தின் முதல் பாடல் வெளியாகியுள்ளது.

கார்த்தி நடிப்பில் கடைசியான வெளியான மெய்யழகன் திரைப்படம் ரசிகர்களிடம் வரவேற்பைப் பெற்று வெற்றிப் படமானது.

இதனைத் தொடர்ந்து, ‘சூது கவ்வும்’, ‘காதலும் கடந்து போகும்’ உள்ளிட்ட படங்களின் இயக்குநர் நலன் குமாரசாமி இயக்கத்தில் ’வா வாத்தியார்’ திரைப்படத்தில் கார்த்தி நடித்துள்ளார். சந்தோஷ் நாராயணன் இசையமைத்திருக்கிறார்.

இப்படத்தில் நாயகியாக கிருத்தி ஷெட்டியும், வில்லனாக சத்யராஜும் முக்கியக் கதாபாத்திரத்தில் ராஜ்கிரணும் நடித்துள்ளனர். சந்தோஷ் நாராயணன் இசையமைத்துள்ளார்.

சமீபத்தில் இந்தப் படத்தின் டீசர் வெளியாகி வரவேற்பைப் பெற்றது. இந்த நிலையில் படத்தின் முதல் பாடலான ‘உயிர் பத்திக்காம’ பாடல் இன்று வெளியாகியுள்ளது.

பாடலாசிரியர் விவேக் எழுதியுள்ள இந்தப் பாடலை விஜய் நரேன், ஆதித்யா ரவீந்திரன், சந்தோஷ் நாராயணன் ஆகியோர் பாடியுள்ளனர்.

இந்தப் படம் விரைவில் வெளியாகும் என்று அறிவிக்கப்பட்டுள்ளது.