ஏ. ஆர். முருகதாஸிடம் உதவி இயக்குநரான ஷங்கர் மகன்!

இயக்குநர் ஷங்கரின் மகன் ஏ. ஆர். முருகதாஸிடம் உதவி இயக்குநராக பணியாற்றி வருகிறார்.

இயக்குநர் ஷங்கர் இந்தியன் - 2, கேம் சேஞ்சர் படங்களின் தோல்வியால் பெரிய ஏமாற்றத்தில் இருக்கிறார். இரு படங்களும் எதிர்பார்த்த வணிக வெற்றியையும் நல்ல விமர்சனங்களையும் பெறாதாது ஷங்கருக்கு அதிருப்தியை அளித்துள்ளது.

அடுத்ததாக, இந்தியன் - 3 திரைக்கு வரவுள்ளது. தொடர்ந்து, ஷங்கர் வேள்பாரி நாவலை இயக்கலாம் என தகவல்கள் தெரிவிக்கின்றன.

இதையும் படிக்க: இந்திய சினிமாவில் ரூ. 1 கோடி சம்பளம் பெற்ற முதல் நடிகை யார் தெரியுமா?

இந்த நிலையில், ஷங்கரின் மகன் அர்ஜித் இயக்குநராகும் விருப்பத்தில் இருந்ததால் அவரை ஏ. ஆர். முருகதாஸிடம் ஷங்கர் உதவி இயக்குநராக சேர்த்துவிட்டுள்ளார்.

ஏ. ஆர். முருகதாஸ் - சிவகார்த்திகேயன் கூட்டணியில் உருவாகும் மதராஸி படத்தில் உதவி இயக்குநராகப் பணியாற்றியதை படத்தின் போஸ்ட்ரை வெளியிட்டு அர்ஜித் உறுதி செய்துள்ளார்.

நடிகர் விஜய் மற்றும் இயக்குநர் ஷங்கரின் மகன்கள் நடிப்பைத் தேர்ந்தெடுக்காமல் இயக்குநர் பாதையைத் தேர்ந்தெடுத்தது சினிமா வட்டாரத்தில் பேசுபொருளாகியுள்ளது.