மீண்டும் இணையும் விஷால் - சுந்தர்.சி கூட்டணி!

இயக்குநர் சுந்தர். சி இயக்கத்தில் நடிகர் விஷால் நடிக்க உள்ளதாகத் தகவல் வெளியாகியுள்ளது.

இயக்குநர் சுந்தர். சி இயக்கத்தில் நடிகர்கள் விஷால், சந்தானம், வரலட்சுமி, அஞ்சலி உள்ளிட்டோர் நடித்த ’மத கஜ ராஜா’ திரைப்படம் கடந்த 2013 ஆம் ஆண்டு உருவாகி வெளியீட்டிற்குத் தயாரானது.

இப்படத்தைத் தயாரித்த ஜெமினி பிலிம் சர்கியூட் நிறுவனம் தங்களின் பழைய கடனை அடைப்பதற்காக அப்படத்தின் வெளியீட்டை ஒத்திவைத்தனர்.

இதையும் படிக்க: மோகன்லாலுக்கு ஜோடியாகும் மாளவிகா மோகனன்!

இப்படம் பொங்கல் வெளியீடாக 12 ஆண்டுகள் கழித்து ஜன.12-ல் வெளியாகி உலகளவில் ரூ. 50 கோடிக்கும் அதிகமாக வசூலித்துள்ளதாகத் தகவல்கள் தெரிவிக்கின்றன. 

இந்த நிலையில், மத கஜ ராஜாவின் வெற்றியால் இயக்குநர் சுந்தர். சி நடிகர் விஷாலை வைத்து புதிய படத்தை இயக்கவுள்ளதாகவும் இதனை பென்ஸ் மீடியா நிறுவனம் தயாரிக்கவுள்ளதாகவும் கூறப்படுகிறது.

மத கஜ ராஜா, ஆக்‌ஷன், ஆம்பள படங்களைத் தொடர்ந்து மீண்டும் விஷால் - சுந்தர். சி கூட்டணி இணையவுள்ளது ரசிகர்களிடம் எதிர்பார்ப்பை ஏற்படுத்தியுள்ளது.