சிவகார்த்திகேயன் வழங்கும் ஹவுஸ் மேட்ஸ் வெளியீட்டுத் தேதி!

சிவகார்த்திகேயன் ப்ரொடெக்‌ஷன்ஸ் வழங்கும் ஹவுஸ் மேட்ஸ் திரைப்படத்தின் வெளியீடு குறித்து...

Updated On :5 ஜூலை 2025, 7:19 am

சிவகார்த்திகேயன் ப்ரொடெக்‌ஷன்ஸ் வழங்கும், நடிகர்கள் தர்ஷன், காளி வெங்கட் ஆகியோரின் நடிப்பில் உருவாகியுள்ள ‘ஹவுஸ் மேட்ஸ்’ திரைப்படத்தின் வெளியீட்டுத் தேதி அறிவிக்கப்பட்டுள்ளது.

இயக்குநர் ராஜவேல் இயக்கத்தில், நடிகர் தர்ஷன் கதாநாயகனாக நடிப்பில் உருவான புதிய படம் “ஹவுஸ் மேட்ஸ்”. நகைச்சுவைக் கலந்த ஹாரர் திரைப்படமான, இந்தப் படத்தில் நடிகர் காளி வெங்கட் முக்கிய கதாபாத்திரத்தில் நடித்துள்ளார்.

டைம் டிராவல் குறித்த கதையை மையமாகக் கொண்ட படம் என பரவிய வதந்திகளுக்கு முற்றுப்புள்ளி வைத்த படக்குழுவினர், இது ஒரு ஃபாண்டெசி ஹாரர் காமெடி படம் எனத் தெரிவித்துள்ளனர்.

எஸ். விஜயபிரகாஷ் தயாரிப்பில், ராஜேஷ் முருகேசன் இசையில் உருவாகியுள்ள இந்தப் படத்தை நடிகர் சிவகார்த்திகேயனின் தயாரிப்பு நிறுவனம் வழங்குகிறது.

இந்நிலையில், நடிகர்கள் அர்ஷா பைஜு, வினோதினி, தீனா உள்ளிட்டோர் நடித்துள்ள ‘ஹவுஸ் மேட்ஸ்’ வரும் ஆகஸ்ட் 1 ஆம் தேதி திரையரங்குகளில் வெளியாகும் என சிவகார்த்திகேயன் ப்ரொடெக்‌ஷன்ஸ் நிறுவனத்தின் எக்ஸ் தளத்தில் தெரிவிக்கப்பட்டுள்ளது.

Summary

The release date of the film ‘House Mates’, presented by Sivakarthikeyan Productions and starring actors Darshan and Kaali Venkat, has been announced.

இதையும் படிக்க: கதாநாயகனாகும் டூரிஸ்ட் ஃபேமிலி இயக்குநர்! நாயகி இவரா?

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News