கட்டா குஸ்தி -2, ராட்சசன் -2 படங்களில் நடிக்கும் விஷ்ணு விஷால்!

கட்டா குஸ்தி -2, ராட்சசன் -2 படங்களில் நடிகர் விஷ்ணு விஷால் நடிக்கவுள்ளதாக தெரிவித்துள்ளார்.

தமிழின் முன்னணி நடிகரான விஷ்ணு விஷால் கட்டா குஸ்தி திரைப்படத்தின் வெற்றிக்குப் பின் லால் சலாம் படத்தில் நடித்திருந்தார். அப்படம் அவருக்கு எதிர்பார்த்த வெற்றியைத் தரவில்லை.

முன்னதாக விஷ்ணு விஷாலை வைத்து ராம்குமார் இயக்கிய ‘ராட்சசன்’ திரைப்படம் மிகப் பெரிய வெற்றிப் படமாக அமைந்தது.

தற்போது இந்தக் கூட்டணி ‘இரண்டு உலகம்’ எனப் பெயரிடப்பட்டுள்ள படத்தில் இணைந்துள்ளது. இப்படத்தின் படப்பிடிப்பு சிறிது நாள்களுக்கு முன்பு நிறைவடைந்தது.

இதனிடையே, நடிகர் விஷ்ணு விஷால் தன் தம்பி ருத்ரா நாயகனா நடிக்கும் ‘ஓஹோ எந்தன் பேபி’ என்ற படத்தில் பிரதான பாத்திரத்தில் நடித்துள்ளார்.

இதனைத் தொடர்ந்து, இரண்டு வானம், ஆர்யன் படத்தில் விஷ்ணு விஷால் நடித்துள்ளார். மேலும் வேல்ஸ் ஃபிலிம் இன்டர்நேஷனல் நிறுவனம் தயாரிக்கும் 3 படங்களில் நடிக்கவுள்ளார்.

இந்த நிலையில், ‘ஓஹோ எந்தன் பேபி’ படத்தின் ப்ரோமோஷன் விழாவில் பேசிய விஷ்ணு விஷால், அடுத்தடுத்து கட்டா குஸ்தி -2, ராட்சசன் -2 படங்களில் நடிக்கவுள்ளதாக தெரிவித்தார்

இதையும் படிக்க: அசுரன் நடிகரின் உசுரே படத்தின் வெளியீட்டுத் தேதி!