ரசிகர்கள் ஆவலுடன் காத்திருந்த முத்த மழை விடியோ வெளியீடு!

தக் லைஃப் படத்தில் இடம்பெறாத முத்த மழை பாடலின் விடியோவை வெளியிட்டுள்ளனர்.

இயக்குநர் மணிரத்னம் இயக்கத்தில் நடிகர்கள் கமல் ஹாசன், சிலம்பரசன் நடிப்பில் உருவான தக் லைஃப் திரைப்படம் ஜுன். 5 ஆம் தேதி வெளியானது.

படத்தின் கதை மற்றும் சிம்பு, த்ரிஷாவின் கதாபாத்திரங்கள் அளித்த ஏமாற்றம் என பல விஷயங்கள் ரசிகர்களிடம் அதிருப்தியை ஏற்படுத்தியதால் வணிக ரீதியாக இப்படம் கடுமையானத் தடுமாற்றத்தை அடைந்தது.

இதுவரை இப்படம் இந்தியளவில் ரூ. 50 கோடிக்கும் குறைவாகத்தான் வசூலித்திருக்கிறதாம். இது படக்குழுவினரிடம் அதிர்ச்சியை ஏற்படுத்தியுள்ளது.

மேலும், இப்படத்தில் ஏ. ஆர். ரஹ்மான் இசையமைப்பில் சிவா ஆனந்த் எழுதிய முத்த மழை பாடல் சின்மயி குரலால் பெரும் கவனம் பெற்றது. ஆனால், படத்தில் விடியோ வடிவில் பாடல் பயன்படுத்தப்படவில்லை. இது ரசிகர்களிடம் பெரிய ஏமாற்றத்தை அளித்தது.

இதையும் படிக்க: நம் நாட்டின் மிகப்பெரிய பட்ஜெட் படம் இதுதான்: அட்லி

இந்த நிலையில், தமிழில் பாடகி தீ குரலில் த்ரிஷாவுக்கான முத்த மழை பாடலின் விடியோ வடிவத்தை இன்று வெளியிட்டுள்ளனர். அழகான காட்சிகளால் பாடல் கவனம் ஈர்க்கிறது.

ஆனால், தீ நல்ல பாடகிதான் என்றாலும் த்ரிஷாவின் தோற்றத்தில் அவர் குரல் சரியாகப் பொருந்தவில்லை என்றே ரசிகர்கள் கருத்து தெரிவித்து வருகின்றனர்.