குபேரா: முதல்நாள் வசூல் எவ்வளவு?

தனுஷ் நடிப்பில் வெளியான குபேரா திரைப்படத்தின் முதல்நாள் வசூல் ரூ.13 கோடி என தகவல் வெளியாகியுள்ளது.

கடைசியாக வெளியான தனுஷின் ராயன் படத்தினை விட குபேரா குறைவாக வசூலித்துள்ளதாக முதல்கட்ட தகவல்கள் தெரிவிக்கின்றன.

தனுஷ் இயக்கி நடித்த ராயன் திரைப்படம் முதல்நாளில் ரூ.15. 7 கோடி வசூலித்தது.

கலவையான விமர்சனங்களைப் பெற்றுள்ள குபேரா திரைப்படம் தெலுங்கு இயக்குநர் இயக்கியதால் தெலுங்கில் மட்டும் நல்ல வரவேற்பு உள்ளதாகக் கூறப்படுகிறது.

தனுஷ் தனது மகன் லிங்காவுடன் முதல்நால் முதல்காட்சியை சென்னையிலுள்ள ரோஹிணி திரையரங்கில் கண்டுகளித்துள்ளார்.

ரசிகர்களின் ஆதரவில் நடிகர் தனுஷ் நெகிழ்ச்சியந்த காட்சிகள் சமூக வலைதளங்களில் கவனம் ஈர்த்தன.

சேகர் கம்முலா இயக்கத்தில் தனுஷ் உடன் நாகார்ஜுனா, ரஷ்மிகா நடிப்பில் குபேரா திரைப்படம் உலகம் முழுவதும் நேற்று (ஜூன் 20) வெளியானது.

தணிக்கைச் சான்றிதழுக்குப் பிறகு 19 காட்சிகள் நீக்கப்பட்டன. சுமார் 13 நிமிஷம் 41 நொடிகள் நீங்கி கடைசியில் 3 மணிநேரம் 1 நிமிஷம் கொண்டதாக வெளியானது.