பா. இரஞ்சித் தயாரிப்பில் நடிக்கும் ஜிவி பிரகாஷ்!

நடிகரும் இசையமைப்பாளருமான ஜிவி பிரகாஷ் நடிக்கும் புதிய திரைப்படம் குறித்து தகவல் வெளியாகியுள்ளது.

இசையமைப்பில் 100 திரைப்படங்களைக் கடந்த ஜிவி பிரகாஷ் நடிப்பிலும் கவனம் செலுத்தி வருகிறார். இறுதியாக, இவர் நடிப்பில் வெளியான ஹேப்பி ராஜ் திரைப்படம் கலவையான விமர்சனங்களைப் பெற்றாலும் வணிக ரீதியாக முன்னேற்றம் கண்டுள்ளது.

இதற்கிடையே, தெலுங்கு மற்றும் தமிழ்த் திரைப்படங்களுக்கு இசையமைத்தும் வருகிறார்.

இந்த நிலையில், இயக்குநர் பா. இரஞ்சித்தின் நீலம் புரடக்‌ஷன்ஸ் தயாரிப்பில் புதிய படமொன்றில் ஜிவி நடிக்க உள்ளாராம்.

இதனை, பா. ரஞ்சித்தின் துணை இயக்குநர் இயக்க உள்ளதாகவும் படத்திற்கு, ‘வேட்கை’ எனப் பெயரிட்டுள்ளதாகவும் தகவல்கள் தெரிவிக்கின்றன.