மறுவெளியீடாகும் ராமராஜனின் கரகாட்டக்காரன்!

நடிகர் ராமராஜன் நடிப்பில் உருவான கரகாட்டக்காரன் திரைப்படம் மறுவெளியீடாகவுள்ளது.

கங்கை அமரன் இயக்கத்தில் கடந்த 1989 ஆம் ஆண்டு திரைக்கு வந்து மிகப்பெரிய வெற்றியைப் பெற்ற திரைப்படம் கரகாட்டக்காரன். நடிகர்கள் ராமராஜன், கனகா, கவுண்டமணி, செந்தில் உள்ளிட்டோர் நடிப்பில் உருவான இப்படம் இன்றும் தமிழின் சிறந்த திரைப்படங்களில் ஒன்றாகவே கருதப்படுகிறது.

கதையைக் கூறிய விதம், இசையமைப்பாளர் இளையராஜாவின் அட்டகாசமான பாடல்கள், ஒரு பழம் இங்க இருக்கு; இன்னொரு பழம் எங்க? என்கிற அந்த வாழைப்பழ காமெடி என வெளியாகி 37 ஆண்டுகள் கடந்த பின்பும் தமிழ் ரசிகர்களின் மனதில் நீங்கா இடம் பிடித்த திரைப்படமாக இருக்கிறது.

இந்த நிலையில், கரகாட்டாக்காரன் நவீன டிஜிட்டல் முறையில் மெருகூட்டல் செய்யப்பட்டு டிடிஎஸ் ஒலி துல்லியத்துடன் மீண்டும் திரைக்கு வருகிறது. இதற்கான பணிகள் விறுவிறுப்பாக நடைபெற்று வருவதால் விரைவில் மறுவெளியீட்டுத் தேதி அறிவிக்கப்படும் எனத் தெரிகிறது.

The film Karakattakaran, starring actor Ramarajan, is set for a re-release.