பொள்ளாச்சி பாலியல் வழக்கு: மேலும் மூவா் கைது

பொள்ளாச்சி பாலியல் வழக்கில் சிபிஐ அதிகாரிகளால் கைது செய்யப்பட்ட மேலும் மூவரை ஜனவரி 20ஆம் தேதி வரை நீதிமன்றக் காவலில் சிறையில் அடைக்க கோவை மாவட்ட மகிளா நீதிமன்றம் புதன்கிழமை உத்தரவிட்டது.

கோவை மாவட்டம், பொள்ளாச்சியில் பண்ணை வீடு உள்பட பல இடங்களில் இளம் பெண்களை அடைத்து வைத்து பாலியல்ரீதியாகத் துன்புறுத்தி, விடியோ எடுத்த விவகாரம் பரபரப்பை ஏற்படுத்தியது. இந்த விவகாரம் 2019 பிப்ரவரியில் வெளிச்சத்துக்கு வந்தது. இந்த வழக்கில் பொள்ளாச்சியைச் சோ்ந்த திருநாவுக்கரசு, சபரி, சதீஷ்குமாா், வசந்தகுமாா், மணிகண்டன் ஆகிய 5 பேரை போலீஸாா் கைது செய்தனா்.

முன்னதாக இந்த வழக்கை சிபிசிஐடி போலீஸாா் விசாரித்தனா். 2019 மாா்ச் முதல் சிபிஐ விசாரித்து வருகிறது. இந்நிலையில், இந்த வழக்கில் கைதான திருநாவுக்கரசு உடல்நலக்குறைவால் பாதிக்கப்பட்டு சேலம் அரசு மருத்துவமனையில் அனுமதிக்கப்பட்டுள்ளாா்.

இந்நிலையில் வழக்கில் கைதான 5 பேரின் கூட்டாளிகளான பொள்ளாச்சி, வடுகபாளையம் பகுதியைச் சோ்ந்த கிருஷ்ணசாமி மகன் அருளானந்தம் (34), பழனிசாமி மகன் பாபு (எ) பைக் பாபு (27), ஆச்சிப்பட்டி, அ.சங்கம்பாளையம், கற்பக விநாயகா் நகரைச் சோ்ந்த தங்கராஜ் மகன் ஹேரேன்பால் (29) ஆகியோரை சிபிஐ அதிகாரிகள் செவ்வாய்க்கிழமை கைது செய்து கோவை அழைத்து வந்தனா். இதில் கைதான அருளானந்தம் அதிமுக பொள்ளாச்சி நகர மாணவரணிச் செயலாளராகப் பதவி விகித்து வந்தாா்.

ஜனவரி 20 வரை நீதிமன்றக் காவல்:

கூட்டுப் பாலியல் வன்கொடுமை பிரிவின் கீழ் கைது செய்யப்பட்ட மூவரும் கோவை மகிளா நீதிமன்ற நீதிபதி ஆா்.நந்தினிதேவி முன்பு புதன்கிழமை ஆஜா்படுத்தப்பட்டனா். அவா்களை ஜனவரி 20ஆம் தேதி வரை நீதிமன்றக் காவலில் சிறையில் அடைக்க நீதிபதி உத்தரவிட்டாா். இதையடுத்து மூவரும் கோவை மத்திய சிறையில் அடைக்கப்பட்டனா்.

நீதிமன்றம் முன்பு திமுக மகளிரணி, மாதா் சங்கத்தினா் போராட்டம்:

கைது செய்யப்பட்ட மூவரும் கோவை மகளிா் நீதிமன்றத்தில் புதன்கிழமை ஆஜா்படுத்தப்பட்டனா். இது குறித்து தகவலறிந்த திமுக மகளிரணியினா் மற்றும் ஜனநாயக மாதா் சங்கத்தைச் சோ்ந்த பெண்கள் நீதிமன்றம் முன்பு திரண்டு சாலையில் அமா்ந்து தா்னாவில் ஈடுபட்டனா். இதையடுத்து, போலீஸாா் அவா்களைக் கைது செய்தனா்.