தவெக தேர்தல் பிரசாரப் பாடல் இன்று மாலை வெளியீடு!

தமிழக வெற்றிக் கழகத்தின் தேர்தல் பிரசாரப் பாடல் இன்று மாலை வெளியிடப்படும் என்று அறிவிக்கப்பட்டுள்ளது.

தமிழ்நாடு சட்டப்பேரவைத் தேர்தல் வருகின்ற ஏப்ரல் 23 ஆம் தேதி நடைபெறவிருக்கும் நிலையில், அரசியல் கட்சித் தலைவர்கள் தீவிரப் பிரசாரத்தில் ஈடுபட்டு வருகின்றனர்.

இந்த நிலையில், தமிழ்நாடு சட்டப்பேரவைத் தேர்தலுக்காக பிரத்யேக பிரசாரப் பாடலை தமிழக வெற்றிக் கழகத்தினர் இன்று மாலை 6 மணிக்கு வெளியிடப் போவதாக அறிவித்துள்ளனர்.

ஏற்கெனவே, தமிழக வெற்றிக் கழகத்தின் தலைவர் விஜய் குரலில் வெளியான ‘உங்க விஜய், நா வரேன்’ பாடல் மிகப்பெரிய ஹிட் அடித்திருக்கும் நிலையில், இந்த பாடலும் விஜய் பாடியிருப்பாரா என்ற எதிர்பார்ப்பு எழுந்துள்ளது.

பெரம்பூர் மற்றும் திருச்சி கிழக்கு ஆகிய சட்டப்பேரவைத் தொகுதிகளில் தவெக தலைவர் விஜய் போட்டியிடவுள்ளார். கடந்த திங்கள்கிழமை பெரம்பூரில் வேட்புமனு தாக்கல் செய்த விஜய், தனது பிரசாரத்தை தொடங்கினார்.

இதனிடையே, திருச்சி கிழக்கு சட்டப்பேரவைத் தொகுதியில் போட்டியிட தவெக தலைவர் விஜய், நாளை காலை வேட்புமனு தாக்கல் செய்யவுள்ளார்.