இந்திய ராணுவ பொதுப் பள்ளிகளில் காலியாக 8,700 இளநிலை, முதுநிலை ஆசிரியர் பணியிடங்களுக்கு ஆன்லைனில் விண்ணப்பிக்க இன்றே கடைசி நாளாக அறிவிக்கப்பட்டுள்ளது. இதுவரை விண்ணப்பிக்காதவர்கள் விரைந்து விண்ணப்பித்து பயனடையவும்.
இந்திய ராணுவ பொதுப் பள்ளிகளில் இந்திய ராணுவத்தினரின் குழந்தைகளுக்கு மத்திய உயர்நிலைக் கல்வி வாரிய பாடத்திட்டத்தை பின்பற்றி முதல் வகுப்பு முதல் 12-ஆம் வகுப்பு வரை கல்வி அளிக்கப்படுகிறது.
இந்த நிலையில் நாடு முழுவதும் உள்ள ராணுவ பொதுப் பள்ளியில் நிரப்பப்பட உள்ள 8,700 இளநிலை மற்றும் முதுநிலை ஆசிரியர் பணியிடங்களுக்கான வேலைவாய்ப்பு அறிவிப்பு வெளியிடப்பட்டது. இதற்கு தகுதியும் விருப்பமும் உள்ளவர்களிடம் இருந்து இன்று வெள்ளிக்கிழமை மாலை (ஜன.28) 5 மணிக்குள் ஆன்லைனில் விண்ணப்பிக்க கடைசி நாளாக அறிவிக்கப்பட்டிருந்தது. இதற்கு இதுவரை விண்ணப்பிக்காதவர்கள் விரைந்து விண்ணப்பித்து பயன்பெறவும்.
காலியிடங்கள் விவரம்:
இதற்கும் விண்ணப்பிக்கலாம் | வாய்ப்பை நழுவவிடாதீர்கள்... துணை ராணுவ படையில் கொட்டிக்கிடக்கும்
நிறுவனம்: Army Welfare Education Society
மொத்த காலியிடங்கள்: 8,700
பணி: TGT(Trained Graduate Teachers)
பணி: PGT (Post Graduate Teacher)
தகுதி: காலியிடங்கள் அறிவிக்கப்பட்டுள்ள பாடப்பிரிவில் இளநிலை, முதுநிலைப் பட்டம் மற்றும் பி.எட் முடித்திருக்க வேண்டும். இளநிலை ஆசிரியர் பணிக்கு விண்ணப்பிப்பவர்கள் இளநிலைப் பட்டம் பெற்று பி.எட் முடித்து மத்திய, மாநில அரசின் கல்வி வாரியத்தால் நடத்தப்பட்டும் CTET/TET தேர்வில் தேர்ச்சி பெற்றிருக்க வேண்டும். ஆங்கிலத்தில் தொடர்புகொள்ளும் திறன் பெற்றிருக்க வேண்டும்.
வயதுவரம்பு: 29 முதல் 40 வயதிற்குள் இருக்க வேண்டும். அதாவது 5 ஆண்டு பணி அனுபவம் உள்ளவர்கள் 40க்குள்ளும், 5 ஆண்டுக்கு அதிகமான பணி அனுபவம் உள்ளவர்கள் 57க்குள் இருக்க வேண்டும்.
தேர்வு கட்டணம்: ரூ.385. இதனை ஆன்லைன் மூலம் செலுத்த வேண்டும்.
தேர்வு செய்யப்படும் முறை: Army Welfare Education Society நடத்தும் ஸ்கிரினீங் தேர்வு மற்றும் நேர்முகத் தேர்வு மற்றும் கற்பிக்கும் திறன், கணினி பயன்படுத்தும் திறன் ஆகியவற்றின் அடிப்படையில் தகுதியானவர்கள் தேர்வு செய்யப்படுவர்.
விண்ணப்பிக்கும் முறை: www.register.cbtexams.in/AWES/Registration என்ற இணையதளத்தின் மூலம் ஆன்லைனில் விண்ணப்பிக்க வேண்டும்.
தேர்வு நடைபெறும் தேதி: 19.02.2022 மற்றும் 20.02.2022
தேர்வு நுழைவுச் சீட்டை 10.02.2022 அன்று அதிகாரப்பூர்வ இணையதளத்தில் இருந்து பதிவிறக்கம் செய்துகொள்ளலாம்.
தமிழ்நாட்டில் தேர்வு மையங்கள்: சென்னை, கோயம்புத்தூர்
தேர்வு முடிவுகள் வெளியாகும் தேதி: 28.02.2022
ஆன்லைனில் விண்ணப்பிப்பதற்கான கடைசி தேதி: 28.01.2022
இதற்கும் விண்ணப்பிக்கலாம் | நவோதய வித்யாலயா பள்ளிகளில் வேலை: யாரெல்லாம் விண்ணப்பிக்கலாம்?