பாரத் ஹெவி எலக்ட்ரிக்கல்ஸ் நிறுவனத்தில் வேலை: விண்ணப்பிக்க நாளை கடைசி

மத்திய அரசின் பொதுத்துறை நிறுவனமான பாரத் ஹெவி எலக்ட்ரிக்கல்ஸ் லிமிடெட் நிறுவனத்தில் நிரப்பப்பட உள்ள வெல்டர் பணியிடங்களுக்கான வேலைவாய்ப்பு அறிவிப்பு வெளியிடப்பட்டுள்ளது. இதற்கு தகுதியானவர்களிடம் இருந்து வரும் 8 ஆம் தேதிக்குள் விண்ணப்பங்கள் வரவேற்கப்படுகின்றன.

விளம்பர எண். FTA01/2024

பணி: Welder

காலியிடங்கள்: 50

வயதுவரம்பு: 1.10.2024 தேதியின்படி 30-க்குள் இருக்க வேண்டும்.

சம்பளம்: மாதம் ரூ.42,500

தகுதி: 60 சதவிகித மதிப்பெண்களுடன் வெல்டர் பிரிவில் ஐடிஐ முடித்து 2 ஆண்டு பணி அனுபவம் பெற்றிருக்க வேண்டும்.

தேர்வு செய்யப்படும் முறை: திறன் தேர்வு மூலம் தகுதியானவர்கள் தேர்வு செய்யப்படுவர். தேர்வு செய்யப்படுபவர்களுக்கு மாதம் ரூ.15,000 உதவித்தொகையுடன் பயிற்சி வழங்கப்படும். பின்னர் பணி வழங்கப்படும்.

விண்ணப்பக் கட்டணம்: ரூ.250. இதனை எஸ்பிஐ வங்கி மூலம் ஆன்லைனில் விண்ணப்பிக்க வேண்டும். எஸ்சி, எஸ்டி, மாற்றுத்திறனாளி, இஎக்ஸ்எஸ் பிரிவினர் கட்டணம் செலுத்த தேவையில்லை.

இதற்கு விண்ணப்பித்துவிட்டீர்களா..? வாய்ப்பை மிஸ்பண்ணிடாதீங்க... 1500 வங்கி அலுவலர் பணிக்கு விண்ணப்பங்கள் வரவேற்பு!

விண்ணப்பிக்கும் முறை: https://careers.bhel.in என்ற இணையதளத்தில் கொடுக்கப்பட்டிருக்கும் விண்ணப்பத்தை பதிவிறக்கம் செய்து, பூர்த்தி செய்து அதனுடன் சமீபத்திய பாஸ்போர்ட் அளவு புகைப்படத்தை ஒட்டி, தேவையான சான்றிதழ்களின் நகல்களையும் இணைத்து கீழ்வரும் அஞ்சல் முகவரிக்கு அனுப்ப வேண்டும்.

பூர்த்தி செய்யப்பட்ட விண்ணப்பங்களை அனுப்ப வேண்டிய அஞ்சல் முகவரி:

BHEL PSSR, BHEl Integrated Office Complex, TNEB Road, Pallikaranai, Chennai-600 100

பூர்த்தி செய்யப்பட்ட விண்ணப்பங்கள் வந்து சேர கடைசி நாள்: 8.11.2024

மேலும் விவரங்கள் அறிய இங்கே கிளிக் செய்யவும்.