லிட்டர் லிட்டராக பெட்ரோல் திருடிக் குடிக்கும் அதிசய குரங்கு! (விடியோ இணைப்பு) 

பானிபட் (ஹரியாணா): ஹரியாணா மாநிலம் பானிபட்டில் குரங்கு ஒன்று வாகனங்களிலிருந்து பெட்ரோலினைத் திருடிக் குடிக்கும் காட்சிகள் கொண்ட விடியோ இணையத்தில் வைரலாக பரவி வருகிறது 

ஹரியானா மாநிலம் பானிபட் நகரில் உள்ள கடைத்தெரு ஒன்றில் வாகனங்களை பார்க்கிங் செய்ய என்று அரை ஏக்கர் அளவில் தனியாக இடம் ஒன்று ஒதுக்கப்பட்டுள்ளது. சமீப காலமாக அதில் நிறுத்தப்பட்டுள்ள இரு சக்கர வாகனங்கள் மற்றும் ஆட்டோக்களில் அடிக்கடி பெட்ரோல் திருட்டு போனது. இதனால் அதிர்ச்சியடைந்த வாகன உரிமையாளர்கள் அதனை பராமரிக்கும் நபர் மீது காவல்நிலையத்தில் புகார் செய்தனர்.

அவரிடம் விசாரணை நடத்திய பின் அவர் தவறு  செய்யவில்லை என்று போலீசாருக்கு தெரிய வந்தது. அதனைத் தொடர்ந்து அப்பகுதியில் போலீஸ் பாதுகாப்பு அதிகரிக்கப்பட்டது.  அத்துடன் கூடுதலாக கண்காணிப்பு கேமராக்கள் பார்க்கிங் பகுதியில் பொருத்தப்பட்டன.

இருந்தபோதும் பெட்ரோல் திருட்டுக்கு ஒரு முடிவுக்கு வரவில்லை. தற்பொழுது அங்குள்ள  குரங்கு ஒன்றுதான்  இருசக்கர வாகனங்களிலிருந்து பெட்ரோல் திருடிக் குடிப்பது தெரியவந்தது.

அதனைக் கூடி  இருந்தோர் தடுக்க முயற்சித்தும் அக்குரங்கு அதனைக் கண்டு கொள்ளாமல் பெட்ரோலினை சுகமாகக் குடிக்கிறது. அத்துடன் அதற்கு பிஸ்கெட்டுகள் உள்ளிட்ட பண்டங்கள் போடப்பட்டாலும் அதனைக் கவனிக்காமல் அது பெட்ரோல் குடிப்பதிலேயே ஆர்வமாக இருக்கிறது.

இது தொடர்பான புகைப்படங்கள் இணையத்தில் வைரலாகப் பரவி வருகின்றன. விடியோ ஒன்றும் இணையத்தில் உலா வருகிறது.

விடியோ: