திருமலையில் கிரண் பேடி வழிபாடு

ஏழுமலையானை புதுச்சேரி ஆளுநர் கிரண் பேடி குடும்பத்துடன் வழிபட்டார்.
ஏழுமலையானை வழிபடுவதற்காக புதுச்சேரி ஆளுநர் கிரண் பேடி வியாழக்கிழமை மாலை தன் குடும்பத்தினருடன் திருமலைக்கு வந்தார். அவரை தேவஸ்தான அதிகாரிகள் வரவேற்று தரிசனத்திற்கு அழைத்துச் சென்றனர். தரிசனம் முடித்து ஏழுமலையான் பிரசாதம் பெற்றுக் கொண்டு கோயிலை விட்டு வெளியில் வந்த அவர் செய்தியாளரிடம் கூறியதாவது:
ஏழுமலையான் தரிசனம் சிறப்பாக அமைந்தது. 3ஆவது முறையாக ஏழுமலையான் தரிசனத்திற்காக திருமலைக்கு வருகிறேன். தேவஸ்தான அதிகாரிகள் நல்ல முறையில் தரிசன வசதி செய்தளித்தனர். உலகத்தில் உள்ள அனைவருக்கும் நல்லது நடக்க வேண்டும் என்று வேண்டிக் கொண்டேன். தூத்துக்குடியில் நடந்த துப்பாக்கிச் சூடு குறித்து கேட்கிறீர்கள். அதுகுறித்து நான் கருத்து கூற விரும்பவில்லை. அதற்குத் தீர்வு காண நீதிமன்றங்கள், மனித உரிமை ஆணையம் உள்ளிட்டவை உள்ளன என்றார் அவர்.