எல்லைப் பகுதியில் பாகிஸ்தான் அத்துமீறல்

ஜம்மு-காஷ்மீர் எல்லையையொட்டிய பகுதிகளில் பாகிஸ்தான் ராணுவம் துப்பாக்கிச் சூடு நடத்தியும், சிறிய ரக குண்டுகளை வீசியும் தாக்குதல் நடத்தியது.

கடந்த 2003-ஆம் ஆண்டு மேற்கொள்ளப்பட்ட போா் நிறுத்த ஒப்பந்தத்தை மீறி பாகிஸ்தான் ராணுவம் அவ்வப்போது இந்திய நிலைகளை குறிவைத்து தாக்குதல் நடத்தி வருகிறது. இதற்கு இந்தியாவும் தகுந்த பதிலடி கொடுத்து வருகிறது. 

அந்த வகையில், பாகிஸ்தான் ராணுவம் போர்நிறுத்த உடன்பாட்டை மீறி, ஜம்மு-காஷ்மீரின் பூஞ்ச் மாவட்டத்தின் எல்லைக்கோட்டுப் பகுதியை ஒட்டிய பகுதிகளில் இன்று காலை 11.30 மணியளவில் திடீர் தாக்குதல் நடத்தியது. 

அதற்கு இந்தியத் தரப்பிலும் தகுந்த பதிலடி கொடுக்கப்பட்டது. இந்தத் தாக்குதலில் உயிரிழப்புகள் எதுவும் ஏற்பட்டதா என்பது குறித்து உடனடித் தகவல் கிடைக்கவில்லை.