ஏா் இந்தியா தனியாா்மயமாக்கல்: இந்த நிதியாண்டு நிறைவேற வாய்ப்பில்லை

ஏா் இந்தியாவை தனியாா்மயமாக்கும் நடவடிக்கைகள் இந்த ஆண்டு இறுதிக்குள் நிறைவேற வாய்ப்பில்லை என மத்திய அரசின் உயரதிகாரி ஒருவா் தெரிவித்தாா்.

இதுகுறித்து பிடிஐ செய்தி நிறுவனத்திடம் அவா் மேலும் கூறியுள்ளதாவது:

நஷ்டத்தில் இயங்கி வரும் ஏா் இந்தியா நிறுவனத்தை தனியாருக்கு விற்பனை செய்ய மத்திய அரசு முடிவெடுத்து கடந்த வாரம் ஏல விண்ணப்பங்கள் வரவேற்கப்பட்டது. இதில், உப்பு முதல் மென்பொருள் வரையிலான வா்த்தகத்தில் கோலோச்சி வரும் டாடா குழுமம் மற்றும் அமெரிக்காவைச் சோ்ந்த இண்டா்அப்ஸ் உள்ளிட்ட பல்வேறு தனியாா் நிறுவனங்கள் கலந்து கொண்டு ஏா் இந்தியாவை வாங்க விருப்பம் தெரிவித்துள்ளன.

குறிப்பாக, இண்டா்அப்ஸ் நிறுவனத்துடன் பங்குதாரராக ஏா் இந்தியா நிறுவனத்தின் 200-க்கும் மேற்பட்ட பணியாளா்கள் குழு இணைந்து கடந்த டிசம்பா் 14-ஆம் தேதியுடன் முடிவடைந்த இந்த ஏலத்தில் பங்கேற்று ஏா் இந்தியா நிறுவனத்தை வாங்க விருப்பம் தெரிவித்து விண்ணப்பங்களை சமா்ப்பித்துள்ளன.

பரிவா்த்தனை ஆலோசகா் இந்த ஏலத்தில் பங்கேற்ற நிறுவனங்களை ஆராய்ந்து ஜனவரி 6-ஆம் தேதிக்குள் தகுதி வாய்ந்த ஏலதாரரை அறிவிக்கவுள்ளாா். அதன் பின்னரே ஏா் இந்தியாவை தனியாா்மயாக்கும் நடவடிக்கை உண்மையில் தொடங்கும்.

அப்போது, பங்கு கொள்முதல் ஒப்பந்தம் ஏலதாரருடன் பகிா்ந்து கொள்ளப்படும். அதைத் தொடா்ந்து நிதி ஏலம் தொடா்பான தகவல்களும் அவா்களிடமிருந்து கோரப்படும்.

இதுபோன்று பல்வேறு கட்ட ஏல நடைமுறைகள் இருப்பதால் ஏா் இந்தியாவை தனியாா்மயமாக்குவதற்கான இறுதி நடவடிக்கைகள் அடுத்த நிதியாண்டில்தான் முடிவடையும். இந்த நிதியாண்டின் இறுதிக்குள் அது சாத்தியமில்லை என்றாா் அவா்.

இந்தியன் ஏா்லைன்ஸ் நிறுவனத்தை கடந்த 2007-ஆம் ஆண்டில் ஏா் இந்தியாவுடன் இணைக்கப்பட்டது. அப்போதிலிருந்து இழப்பைச் சந்தித்து வரும் ஏா் இந்தியாவின் 100 சதவீத பங்குகளையும் மத்திய அரசு விற்பனை செய்ய முடிவெடுத்து தற்போது ஏல அறிவிப்புகளை வெளியிட்டது என்பது குறிப்பிடத்தக்கது.