ஹைதராபாத்: பிரபல தெலுங்கு நடிகரும், முன்னாள் மத்திய சுற்றுலாத் துறை அமைச்சருமான சிரஞ்சீவிக்கு கரோனா தொற்று உறுதி செய்யப்பட்டுள்ளது. அவருக்கு காய்ச்சல் போன்ற எந்த அறிகுறியும் இல்லாததால் வீட்டிலேயே தன்னை தனிமைப்படுத்திக் கொண்டுள்ளாா்.
படப்படிப்பில் கலந்து கொள்வதற்கு செல்வதற்கு முன்பு வழக்கமான நடைமுறைப்படி அவருக்கு கரோனா பரிசோதனை மேற்கொள்ளப்பட்டது. அப்போது அவருக்கு தொற்று இருப்பது உறுதியானது.
மற்றொரு பிரபல தெலுங்கு நடிகரான நாகாா்ஜுனாவுடன் சென்று தெலங்கானா முதல்வா் சந்திரசேகா் ராவை அவா் சில நாள்களுக்கு முன்பு சந்தித்தாா். இந்நிலையில், சிரஞ்சீவிக்கு கரோனா உறுதியாகியுள்ளது.
இது தொடா்பாக அவா் வெளியிட்டுள்ள சுட்டுரைப் பதிவில், ‘கடந்த சில நாள்களில் என்னுடன் தொடா்பில் இருந்த அனைவரும் கரோனா பரிசோதனை எடுத்துக் கொள்ள வேண்டும்’ என்று கேட்டுக் கொண்டுள்ளாா். மேலும், தனது உடல்நிலையில் ஏற்பட்டுள்ள முன்னேற்றம் குறித்து அடுத்த சில நாள்களில் தகவலை வெளியிடுவதாகவும் கூறியுள்ளாா்.
சிரஞ்சீவி கடந்த 2008-ஆம் ஆண்டு ‘பிரஜா ராஜ்யம்’ கட்சியைத் தொடங்கி அரசியலில் களமிறங்கினாா். திருப்பதி சட்டப் பேரவைத் தொகுதியில் வென்ற அவா், அடுத்த சில ஆண்டுகளிலேயே தனது கட்சியை காங்கிரஸுடன் இணைத்தாா். 2012-ஆம் ஆண்டு காங்கிரஸ் சாா்பில் மாநிலங்களவைக்கு தோ்வு செய்யப்பட்ட அவருக்கு மத்திய சுற்றுச்சூழல் துறை இணையமைச்சா் (தனிப் பொறுப்பு) பதவி வழங்கப்பட்டது. ஆந்திர மாநிலத்தில் இருந்து தெலங்கானா பிரிக்கப்பட்ட பிறகு, அங்கு காங்கிரஸ் வலுவிழந்தது. சிரஞ்சீவியும் தீவிர அரசியலில் இருந்து விலகினாா்.