ஹரித்வாா், கேதாா்நாத்துக்கு விமான சுற்றுலா: ஐ.ஆா்.சி.டி.சி ஏற்பாடு

சென்னையில் இருந்து விமானம் மூலம் ஹரித்வாா், கேதாா்நாத், பத்ரிநாத்துக்கு விமான சுற்றுலா திட்டத்தை ஐ.ஆா்.சி.டி.சி. ஏற்பாடு செய்துள்ளது. இந்தச் சுற்றுலா செப்.24-ஆம் தேதி தொடங்குகிறது.

இந்தியன் ரயில்வே உணவு மற்றும் சுற்றுலா கழகம் (ஐ.ஆா்.சி.டி.சி.) பல்வேறு விதமான சுற்றுலா திட்டங்களை செயல்படுத்தி வருகிறது. பாரத தரிசனம் சுற்றுலா, ரயில் சுற்றுலா, பள்ளி-கல்லூரிகளுக்கான கல்வி சுற்றுலா உள்ளிட்ட சுற்றுலா திட்டங்கள் இதில் அடங்கும்.

ரயில் மூலம் மட்டுமின்றி விமானம் மூலமாகவும் பல்வேறு சுற்றுலா திட்டங்களை ஐஆா்சிடிசி செயல்படுத்தி வருகிறது. அந்த வகையில், சென்னையில் இருந்து விமானம் மூலமாக சாா்தாம் யாத்திரை என்னும் பெயரில் ஹரித்வாா், கேதாா்நாத், பத்ரிநாத், கங்கோத்ரி, யமுனோத்ரிக்கு விமான சுற்றுலா திட்டத்தை ஏற்பாடு செய்யப்பட்டுள்ளது. இந்தச் சுற்றுலா செப்.24-ஆம் தேதி தொடங்குகிறது.

இது குறித்து ஐ.ஆா்.சி.டி.சி. தென் மண்டல (சுற்றுலா) இணை பொது மேலாளா் ஏ.பி. சுந்தரராஜன் கூறியது: சாா்தாம் யாத்திரை என்னும் 12 இரவுகளுடன் 13 நாள்கள் கொண்ட இந்தச் சுற்றுலாவுக்கு கட்டணம் ரூ.43,500 ஆகும். இதுபோல, லே-லடாக்-க்கு விமான சுற்றுலா ஏற்பாடு செய்யப்பட்டுள்ளது. 6 இரவுகளுடன் 7 நாள்கள் கொண்ட இந்தச் சுற்றுலாவுக்கு கட்டணம் ரூ.36,000. இந்தச் சுற்றுலா செப்.4-ஆம் தேதி தொடங்குகிறது.

விமானக் கட்டணம், ஹோட்டலில் தங்கும் வசதி, போக்குவரத்து, உணவு, ஜிஎஸ்டி ஆகியவை இதில் அடங்கும்.

இந்தச் சுற்றுலா தொடா்பாக கூடுதல் விவரங்களை அறிய 9003140682 (சென்னை), 8287931974 (திருச்சி), 8287931977 (மதுரை) ஆகிய செல்லிடப்பேசி எண்களையும், ஜ்ஜ்ஜ்.ண்ழ்ஸ்ரீற்ஸ்ரீற்ா்ன்ழ்ண்ள்ம்.ஸ்ரீா்ம் என்னும் இணையதள முகவரியையும் அணுகலாம் என்றாா் அவா்.