ஹாசன் விமான நிலையத்துக்கு விரைவில் அடிக்கல்: கர்நாடக முதல்வர் எடியூரப்பா

ஹாசன் விமான நிலையத்துக்கு விரைவில் அடிக்கல் நாட்டப்படும் என்று கர்நாடக முதல்வர் எடியூரப்பா தெரிவித்துள்ளார். 
இதுகுறித்து அவர் கூறுகையில், ஹாசன் மற்றும் சிவமோகா மாவட்டங்களுக்குச் சென்று வளர்ச்சிப் பணிகள் மற்றும் கரோனா சூழ்நிலை குறித்து ஆய்வு செய்தேன். முன்னாள் பிரதமர் தேவெகௌடாவும் நானும் ஹாசன் விமான நிலையத்துக்கு விரைவில் அடிக்கல் நாட்ட இருக்கிறோம். 
தளர்வுகளுக்குப் பின் மாநிலத்துக்குத் திரும்பும் புலம்பெயர் தொழிலாளர்களுக்கு கரோனா பரிசோதனைகள் மேற்கொள்ள சுகாதாரத்துறையினரை அறிவுறுத்தியுள்ளேன் என்றார். 
ஹாசன், விஜயாப்புரா, கார்வாரில் புதிய விமான நிலையம் அமைக்கப்படும் என்று கடந்த ஆண்டு ஆளுநர் உரையில் அறிவிக்கப்பட்டிருந்தது குறிப்பிடத்தக்கது.