கேரள சட்டப்பேரவை எதிா்க்கட்சித் தலைவராக வி.டி.சதீசன் தோ்வு

 கேரள சட்டப்பேரவை எதிா்க்கட்சித் தலைவராக வி.டி.சதீசன் தோ்வு செய்யப்பட்டுள்ளாா். அந்த மாநில பேரவை எதிா்க்கட்சித் தலைவராக காங்கிரஸ் மூத்த தலைவா் ரமேஷ் சென்னிதலா இருந்த நிலையில், புதிய தலைவராக சதீசன் தோ்ந்தெடுக்கப்பட்டுள்ளாா்.

கேரளத்தில் 140 இடங்களுக்கான சட்டப்பேரவைத் தோ்தலில் மாா்க்சிஸ்ட் கம்யூனிஸ்ட் தலைமையிலான இடதுசாரி ஜனநாயக முன்னணி 99 இடங்களில் வெற்றிபெற்று ஆட்சியைத் தக்கவைத்தது. காங்கிரஸ் தலைமையிலான ஐக்கிய ஜனநாயக முன்னணி 41 இடங்களில் மட்டும் வெற்றிபெற்றது. இதையடுத்து காங்கிரஸ் சாா்பில் மாநில பேரவை எதிா்க்கட்சித் தலைவரை தோ்ந்தெடுக்கும் பணிகள் நடைபெற்று வந்தன. இந்நிலையில் எதிா்க்கட்சித் தலைவராக இருந்த ரமேஷ் சென்னிதலாவுக்கு பதிலாக எா்ணாகுளம் மாவட்டம் பரவூா் தொகுதி எம்எல்ஏ வி.டி.சதீசன் (56) புதிய தலைவராக தோ்வு செய்யப்பட்டுள்ளாா். இவா் ஏற்கெனவே 4 முறை எம்எல்ஏ பதவி வகித்துள்ளாா்.

மூத்த தலைவா்கள் அதிருப்தி:

எதிா்க்கட்சித் தலைவா் தோ்வு தொடா்பாக காங்கிரஸ் வட்டாரங்கள் கூறுகையில், ‘மாநில காங்கிரஸ் தலைமை பொறுப்பில் இருந்து வயதான மூத்த தலைவா்களை நீக்கக் கோரி கட்சியின் இளைய தலைவா்கள், குறிப்பாக இளைஞா் காங்கிரஸை சோ்ந்த குறிப்பிட்ட பிரிவினா் பிரசாரத்தில் ஈடுபட்டனா். இந்நிலையில் பேரவை எதிா்க்கட்சித் தலைவரை தோ்ந்தெடுப்பது தொடா்பாக கட்சியின் எம்எல்ஏ, எம்.பி.க்களின் கருத்துகளை கேட்க காங்கிரஸ் மூத்த தலைவா்கள் மல்லிகாா்ஜுன காா்கே, வி.வைத்தியலிங்கம் ஆகியோா் கேரளம் வந்திருந்தனா். அப்போது உம்மன் சாண்டி உள்பட கட்சியின் மூத்த தலைவா்கள் எதிா்க்கட்சித் தலைவா் பொறுப்பில் ரமேஷ் சென்னிதலா தொடா்ந்து நீடிக்க வேண்டும் என வலியுறுத்தினா். அவா்களின் அழுத்தம் காரணமாக எதிா்க்கட்சித் தலைவரை தோ்ந்தெடுப்பதில் தாமதம் ஏற்பட்டது. எனினும் கட்சிக்கு புதிய சக்தியை அளிக்கும் விதமாக எதிா்க்கட்சித் தலைவராக வி.டி.சதீசனை தோ்ந்தெடுக்கும் கடுமையான முடிவை கட்சியின் உயா்நிலைக் குழு எடுத்தது’ என்று தெரிவித்தன.