பஞ்சாப் தேர்தல்: முதல்கட்ட வேட்பாளர்கள் பட்டியலை வெளியிட்டது ஆம் ஆத்மி

பஞ்சாப் சட்டப்பேரவைத் தேர்தலுக்கான முதல்கட்ட வேட்பாளர்கள் பட்டியலை ஆம் ஆத்மி கட்சி வெள்ளிக்கிழமை வெளியிட்டுள்ளது.

உத்தரகண்ட், உத்தரப் பிரதேசம், பஞ்சாப், கோவா, மணிப்பூர் உள்ளிட்ட மாநிலங்களில் அடுத்தாண்டு தொடக்கத்தில் சட்டப்பேரவைத் தேர்தல் நடைபெறவுள்ளது.

இந்த தேர்தலில் வெற்றி பெற ஆட்சியிலிருக்கும் காங்கிரஸ், எதிர்க்கட்சியான ஆம் ஆத்மி, சிரோமணி அகாலி தளம், அமரீந்தர் சிங்கின் பஞ்சாப் லோக் காங்கிரஸ் என பலமுனை போட்டிகள் நிலவி வருகின்றன.

இந்நிலையில், ஆம் ஆத்மி சார்பில் சட்டப்பேரவைத் தேர்தலில் போட்டியிடும் 10 பேர் கொண்ட முதல்கட்ட வேட்பாளர்கள் பட்டிலை அக்கட்சி இன்று வெளியிட்டுள்ளது.