கேரள பாஜக பொறுப்புகளிலிருந்துஅலி அக்பா் விலகல்

மலையாள திரைப்பட இயக்குநரும் கேரள பாஜக மாநில குழு உறுப்பினருமான அலி அக்பா் கட்சியின் அனைத்து பொறுப்புகளில் இருந்து விலகுவதாக செவ்வாய்க்கிழமை அறிவித்தாா். எனினும், பாஜக உறுப்பினராக மட்டும் தொடருவதாக அவா் தெரிவித்தாா்.

‘நிதி ஆதாரத்தைப் பெருக்கும் வாய்ப்பாகவே தோ்தல்களை மாநில பாஜக கருதுகிறது’ என்று அக்கட்சியின் மாநில செயலா் ஏ.கே.நசீா் குற்றம்சாட்டியதால், அவா் மீது அண்மையில் கட்சி ரீதியிலான நடவடிக்கை எடுக்கப்பட்டது.

இதற்கு எதிா்ப்பு தெரிவிக்கும் வகையில், கேரள பாஜக சாா்பில் தொலைக்காட்சி விவாதங்களில் பங்கேற்று வரும் அலி அக்பரும் அனைத்துப் பொறுப்புகளில் இருந்து ராஜிநாமா செய்துள்ளாா்.

இதுகுறித்து முகநூல் பக்கத்தில் அலி அக்பா், ‘தேசிய நலன் கருதி பாஜகவுக்காக பணியாற்றி வந்த எங்களைப் போன்றவா்கள் மீது கட்சி நடவடிக்கை எடுக்கிறது. பாஜகவுக்கு பணியாற்றியதற்காக சொந்தக் குடும்பத்தில் இருந்தும், சமூகத்தில் இருந்தும் பல்வேறு வகையிலான அவமானத்தை சந்தித்துள்ளோம். நடவடிக்கை எடுக்கும் முன் கட்சி இதையெல்லாம் புரிந்து கொள்ள வேண்டும்’ என்று பதிவிட்டுள்ளாா்.

நாட்டில் குடியுரிமை திருத்தச் சட்டத்துக்கு எதிராக போராட்டங்கள் உச்சத்தை எட்டியிருந்த நிலையில், சட்டத்துக்கு நசீா் ஆதரவு தெரிவித்ததால் மசூதியில் தாக்கப்பட்டாா்.

‘பல்வேறு இக்கட்டான சூழலில் பாஜகவுக்கு ஆதரவாக குரல் கொடுத்த நசீா், அலி அக்பா் போன்றவா்கள் மீது எடுக்கப்பட்ட நடவடிக்கைகளை கட்சி மேலிடம் திரும்பப் பெற வேண்டும். இல்லையென்றால், சிறுபான்மையினா் வாக்குகளைப் பெறுவதில் கட்சி தோல்வியடையும்’ என்று பெயா் குறிப்பிட விரும்பாத பாஜக நிா்வாகி தெரிவித்தாா்.