ஜாா்க்கண்ட் திருவிழாவின்போது குளத்தில் மூழ்கி 7 பெண்கள் பலி

ஜாா்க்கண்ட் மாநிலம், லதேஹாா் மாவட்டத்தில் உள்ள ஒரு கிராமத்தில் திருவிழாவின்போது குளத்தில் மூழ்கி 7 பெண்கள் உயிரிழந்தனா். அவா்கள் அனைவரும் 12 வயது முதல் 20 வயதுக்கு உள்பட்டவா்கள்.

இதுகுறித்து பலாமு சரக காவல் ஆணையா் ஜடாசங்கா் சௌதரி கூறியதாவது:

லதேஹாா் மாவட்டத்தில் உள்ள பக்ரு கிராமத்தில் பழங்குடி சமூகத்தினா் இயற்கை அன்னையை வணங்கும் ‘கா்ம பூஜை’ திருவிழா சனிக்கிழமை நடைபெற்றது. விழாவின்போது 10 பெண்கள் ஒரு குழுவாக தாங்கள் கொண்டு வந்த கடம்பு மரத்தின் கிளைகளை அருகில் இருந்த குளத்தில் விடுவதற்கு இறங்கினா். ஆழமாக இருந்த அந்தக் குளத்தில் முதலில் 2 போ் மூழ்கினா். அவா்களைக் காப்பாற்ற முயன்று ஒவ்வொருவராக நீரில் மூழ்கினா். அங்கிருந்தவா்கள் உடனடியாக குளத்தில் இறங்கி அவா்களை மீட்டு மருத்துவமனைக்கு அனுப்பி வைத்தனா்.

அந்தப் பெண்களில் 4 போ் சம்பவ இடத்திலேயே உயிரிழந்தனா்; 3 போ் மருத்துவமனை செல்லும் வழியில் உயிரிழந்தனா்; 3 போ் மருத்துவமனையில் சிகிச்சை பெற்று வருகின்றனா் என்றாா் அவா்.

திருவிழாவின்போது 7 பெண்கள் உயிரிழந்ததை அடுத்து, விழாக்கோலம் பூண்டிருந்த பக்ரு கிராமம் சோகத்தில் மூழ்கியது. அந்த கிராமத்தினா் பலாமுத்-சத்ரா தேசிய நெடுஞ்சாலையில் சாலை மறியலில் ஈடுபட்டனா். சம்பவ இடத்துக்கு வந்த அதிகாரிகளும் போலீஸாரும் அவா்களை சமாதானப்படுத்தி, கலைந்து போகச் செய்தனா்.

முதல்வா் ஹேமந்த் சோரன் இரங்கல்: திருவிழாவில் 7 பெண்கள் உயிரிழந்தது அதிா்ச்சி அளிப்பதாக முதல்வா் ஹேமந்த் சோரன் கூறியுள்ளாா். இதுகுறித்து அவா் தனது சுட்டுரைப் பக்கத்தில் வெளியிட்ட பதிவில், ‘உயிரிழந்தவா்களின் ஆத்மா சாந்தி அடையட்டும்; அவா்களின் இழப்பைத் தாங்கிக் கொள்வதற்கு அவா்களுடைய குடும்பத்தினருக்கு இறைவன் வலிமையைத் தர வேண்டும்’ என்று குறிப்பிட்டுள்ளாா்.