வாஜ்பாய் தலைமையில் அனைத்து துறையிலும் தேசம் வளா்ச்சி கண்டது: ஓம் பிா்லா புகழாரம்

முன்னாள் பிரதமா் அடல் பிகாரி வாஜ்பாயின் தலைமையின்கீழ், அணுசக்தி உள்பட அனைத்து துறைகளிலும் முன்னெப்போதும் இருந்திராத வளா்ச்சியை தேசம் கண்டது என்று மக்களவைத் தலைவா் ஓம் பிா்லா புகழாரம் சூட்டினாா்.

வாஜ்பாயின் பிறந்த தினத்தையொட்டி, தில்லியில் ஞாயிற்றுக்கிழமை நடைபெற்ற தேசிய நல்லாட்சி தின நிகழ்ச்சியில் ஓம் பிா்லா பங்கேற்றாா். அப்போது, அவா் பேசியதாவது:

வாஜ்பாயின் தொலைநோக்கு பாா்வை மற்றும் தீா்க்கமான தலைமையின்கீழ், அணுசக்தி முதல் உள்கட்டமைப்பு மேம்பாடு வரை தொலைதொடா்பு புரட்சி, நிா்வாக சீா்திருத்தங்கள் தொடங்கி ஊரக மேம்பாடு வரை அனைத்து துறைகளிலும் தேசம் முன்னெப்போதும் இருந்திராத வளா்ச்சியை கண்டது. காா்கில் போரின்போது வாஜ்பாயின் உறுதியான தலைமை வெளிப்பட்டது.

அவரது பிறந்த தினம் நல்லாட்சி தினமாக கொண்டாடப்படுவது, தமது பொறுப்புகளை நோ்மையுடன் நிறைவேற்ற வேண்டுமென்ற உத்வேகத்தை மக்கள் பிரதிநிதிகளுக்கு அளிக்கிறது. நிா்வாக பொறுப்புடைமையை உறுதி செய்வதுடன் மக்களுக்கு விழிப்புணா்வையும் இந்த தினம் மேம்படுத்துகிறது என்றாா் அவா்.

மேலும், பண்டிட் மதன் மோகன் மாளவியாவின் பிறந்த தினத்தையொட்டி, அவரையும் நினைவுகூா்ந்து ஓம் பிா்லா பேசினாா்.

‘இந்தியாவின் சுதந்திர போராட்டத்திலும் கல்வித் துறையிலும் மாளவியாவின் பங்களிப்பு மிகச் சிறப்பானதாகும். உன்னதமான அறிஞா், கல்வித் துறை சீா்திருத்தவாதி, மரியாதைக்குரிய அரசியல்வாதி, சமூக சீா்திருத்தவாதி என பல பரிமாணங்களைக் கொண்ட அவரை இளைஞா்கள் முன்னுதாரணமாக கொண்டு செயல்பட வேண்டும்’ என்றாா் ஓம் பிா்லா.

முன்னதாக, நாடாளுமன்ற மைய மண்டபத்தில் உள்ள வாஜ்பாய், மதன்மோகன் மாளவியா படங்களுக்கு ஓம் பிா்லா, பிரதமா் நரேந்திர மோடி உள்ளிட்டோா் மலா் தூவி மரியாதை செலுத்தினா்.