தகுதிநீக்கம்: சிவசேனையின் 53 எம்எல்ஏக்களுக்கு மகாராஷ்டிர சட்டப்பேரவை நோட்டீஸ்

மகாராஷ்டிர சட்டப்பேரவையில் கடந்த 4-ஆம் தேதி நடைபெற்ற நம்பிக்கை வாக்கெடுப்பின்போது சிவசேனை தலைமை கொறடா விவகாரத்தை முன்வைத்து சிவசேனையில் இரு பிரிவினரும் தகுதிநீக்கம் செய்ய வலியுறுத்தி பரஸ்பரம் புகாா் அளித்ததன் அடிப்படையில் அக் கட்சியின் 55 எம்எல்ஏக்களில் 53 பேரிடம் விளக்கம் கேட்டு மாநில சட்டப்பேரவைச் செயலகம் நோட்டீஸ் அனுப்பியுள்ளது.

எம்எல்ஏக்கள் அனைவரும் 7 நாள்களுக்குள் பதிலளிக்குமாறு அறிவுறுத்தப்பட்டுள்ளது.

உள்கட்சி பூசல் காரணமாக மகாராஷ்டிர முதல்வா் பதவியிலிருந்து உத்தவ் தாக்கரே விலகினாா். அதையடுத்து ஏக்நாத் ஷிண்டே தலைமையிலான சிவசேனை அதிருப்தி எம்எல்ஏக்கள் 39 போ், பாஜகவுக்கு ஆதரவளித்தனா். மாநிலத்தின் புதிய முதல்வராக ஷிண்டே ஜூன் 30-ஆம் தேதி பொறுப்பேற்றாா்.

முதல்வா் ஷிண்டே தலைமயிலான அரசு மீதான நம்பிக்கை வாக்கெடுப்பு சட்டப்பேரவையில் கடந்த 4-ஆம் தேதி நடைபெற்றது. மொத்தம் 287 உறுப்பினா்களை (ஒரு காலியிடம்) கொண்ட பேரவையில் முதல்வா் ஷிண்டேவுக்கு ஆதரவாக 164 வாக்குகள் கிடைத்தன. அதன் மூலமாக அவருடைய அரசு நம்பிக்கை வாக்கெடுப்பில் வெற்றிபெற்றது.

முன்னதாக, சிவசேனை தலைமைக் கொறாடாவாக இருந்த உத்தவ் தரப்பு எம்எல்ஏ சுனில் பிரபுவை நீக்கி, ஷிண்டே தரப்பைச் சோ்ந்த பரத் கோகாவலேயை நியமித்து சட்டப்பேரவைத் தலைவா் உத்தரவிட்டாா். இதற்கு உத்தவ் தரப்பினா் எதிா்ப்பு தெரிவித்தனா். பேரவையில் நம்பிக்கை வாக்கெடுப்பு நிறைவடைந்ததும் இந்த விவகாரம் எழுப்பப்பட்டது.

நம்பிக்கை வாக்கெடுப்பில் தலைமைக் கொறடா உத்தரவை மீறியதாக உத்தவ் தரப்பு எம்எல்ஏக்கள் 14 பேரை தகுதிநீக்கம் செய்ய வேண்டும் என பேரவைத் தலைவரிடம் ஷிண்டே தரப்பு வலியுறுத்தியது. அதே புகாரை உத்தவ் தரப்பினரும் வலியுறுத்தினா். ஷிண்டே தரப்பு சாா்பில் எம்எல்ஏக்களை தகுதிநீக்கம் செய்யக் கோரும் பட்டியலில் முன்னாள் முதல்வா் உத்தவ் தாக்கரேவின் மகன் ஆதித்ய தாக்கரேவின் பெயா் சோ்க்கப்படவில்லை.

இரு தரப்பினரின் இந்த புகாரின் அடிப்படையில், உரிய விளக்கத்தை 7 நாள்களுக்குள் அளிக்குமாறு சிவசேனையின் 55 எம்எல்ஏக்களில் 53 பேருக்கு சட்டப்பேரவைச் செயலகம் நோட்டீஸ் அனுப்பியுள்ளது.

இதற்கிடையே, தலைமைக் கொறடாவை அங்கீகரிக்க பேரவைத் தலைவருக்கு அதிகாரம் இல்லை எனக் கூறி உத்தவ் தரப்பில் தாக்கல் செய்யப்பட்ட மனு உச்சநீதிமன்றத்தில் திங்கள்கிழமை (ஜூலை 11) விசாரணைக்கு வரவுள்ளது.