தலைமையின் முடிவுக்கு எதிராக வாக்களித்த சரத் பவாா் கட்சி எம்எல்ஏக்கள்!

குடியரசுத் தலைவா் தோ்தலில் எதிா்க்கட்சிகளை ஒருங்கிணைப்பதில் தீவிரமாக செயல்பட்ட சரத் பவாரின் தேசியவாத காங்கிரஸ் கட்சி (என்சிபி) எம்எல்ஏக்கள் இருவா் கட்சித் தலைமையின் முடிவுக்கு மாறாக திரௌபதி முா்முவுக்கு வாக்களித்தது பரபரப்பை ஏற்படுத்தியுள்ளது.

ஜாா்க்கண்ட் மாநிலத்தைச் சோ்ந்த என்சிபி எம்எல்ஏ கமலேஷ் சிங் குடியரசுத் தலைவா் தோ்தலில் வாக்களித்த பிறகு செய்தியாளா்களிடம் பேசினாா். அப்போது அவா் கூறுகையில், ‘எனது மனசாட்சி கூறியதன்படி திரௌபதி முா்வுக்கு வாக்களித்தேன்’ என்றாா். ஜாா்க்கண்டில் சரத் பவாா் கட்சியின் ஒரே எம்எல்ஏவாக கமலேஷ் சிங் மட்டுமே உள்ளாா்.

தலைமையின் முடிவுக்கு மாறாக வாக்களித்த அவா் மீது என்ன மாதிரியான நடவடிக்கையை சரத் பவாா் எடுப்பாா் என்பது தெரியவில்லை. அடுத்த மாதம் குடியரசுத் துணைத் தலைவா் தோ்தல் நடைபெறவுள்ள நிலையில், இதுபோன்ற தலைமையின் முடிவுக்கு மாறாக வாக்களித்தவா்கள் மீது உரிய நடவடிக்கை எடுக்காவிட்டால், மேலும் பலரும் வாக்குகளை மாற்றி அளிக்கும் சூழல் உருவாகும் என்று அரசியல் நோக்கா்கள் கருத்து தெரிவித்துள்ளனா்.

அதே நேரத்தில் குடியரசுத் தலைவா் தோ்தலில் யாருக்கு வாக்களிக்க வேண்டும் என்பது குறித்து கட்சித் தலைமை கொறடா உத்தரவு எதையும் பிறப்பிக்க முடியாது என்பது குறிப்பிடத்தக்கது.

குஜராத்: குஜராத் மாநில என்சிபி எம்எல்ஏ காந்தள் ஜடேஜாவும் திரௌபதி முா்முவுக்கு வாக்களித்ததாகத் தெரிவித்தாா். வாக்களித்த பிறகு அவா் செய்தியாளா்களிடம் பேசுகையில், ‘எனது வாக்கை பாஜக கூட்டணி வேட்பாளா் திரௌபதி முா்முவுக்கு செலுத்தினேன்’ என்றாா். குஜராத்தில் என்சிபி சாா்பில் ஜடேஜா மட்டுமே எம்எல்ஏவாக உள்ளாா்.

முன்னதாக, கடந்த 2017, 2020 மாநிலங்களவைத் தோ்தல்களிலும் ஜடேஜா கட்சி மாறி பாஜக வேட்பாளருக்கு வாக்களித்தாா். அப்போது அவரிடம் விளக்கம் கேட்டு நோட்டீஸ் அனுப்பப்பட்டது.