வணிகப் பயன்பாட்டுக்கான சிலிண்டா் விலை ரூ.2,219-ஆக குறைப்பு

வணிகப் பயன்பாட்டுக்கான 19 கிலோ எடைகொண்ட சமையல் எரிவாயு சிலிண்டா் விலை ரூ.135 குறைக்கப்பட்டுள்ளது. இதனால், அந்தச் சிலிண்டா் ஒன்றின் விலை ரூ.2,219-ஆக குறைந்துள்ளது. இதுதொடா்பாக எண்ணெய் விற்பனை நிறுவனங்கள் புதன்கிழமை வெளியிட்ட அறிவிக்கை:

ஹோட்டல்கள், உணவகங்கள் உள்ளிட்டவற்றில் உபயோகிக்கப்படும் வணிகப் பயன்பாட்டுக்கான சிலிண்டா் ரூ.2,354-க்கு விற்பனை செய்யப்பட்டு வந்தது. அதன் விலை ரூ.2,219-ஆக குறைக்கப்பட்டுள்ளது.

விமான எரிபொருள் விலையும் ஒரு கிலோலிட்டருக்கு ரூ.1,563.97 குறைக்கப்பட்டுள்ளது என்று தெரிவிக்கப்பட்டுள்ளது.

வணிகப் பயன்பாட்டுக்கான சிலிண்டா் விலை குறைக்கப்பட்டபோதிலும், 14.2 கிலோ எடைகொண்ட வீட்டு உபயோக சிலிண்டரின் விலையில் எந்த மாற்றமும் செய்யப்படாமல் ரூ.1,003-ஆக நீடிக்கிறது.

பெட்ரோல், டீசல் விலையிலும் மாற்றம் செய்யப்படாமல் சென்னையில் ஒரு லிட்டா் பெட்ரோல் விலை 102.63-க்கும், ஒரு லிட்டா் டீசல் விலை ரூ.94.24-க்கும் விற்பனையானது.

விமான எரிபொருள் விலை குறைக்கப்பட்டுள்ள நிலையில், சென்னையில் ஒரு கிலோலிட்டா் விமான எரிபொருள் விலை ரூ.1.25 லட்சமாகக் குறைந்தது.