உத்தரப் பிரதேசத்தில், சக்கியா பகுதியில் நின்றிருந்த லாரி மீது கார் மோதிய விபத்தில் பாஜக எம்எல்ஏ கைலாஷ் கர்வார் காயமடைந்தார்.
சக்தியா தொகுதியின் எம்எல்ஏ.வான கைலாஷ் கர்வார், ரகுநாத்பூரில் பாஜக தொண்டர் ஒருவரை சந்தித்துவிட்டு தனது கிராமமான சரதிக்கு திரும்பிக் கொண்டிருந்ததாக போலீஸ் வட்டாரங்கள் தெரிவித்தன.
அவரது கார் கோலியா கிராமத்தின் அருகே நின்றிருந்த லாரியின் மீது மோதியது. இந்த விபத்தில் கர்வார், அவரது ஓட்டுநர் ஓம் பிரகாஷ், அனில் சரோஜ் மற்றும் சஞ்சய் சிங் ஆகியோர் பலத்த காயமடைந்தனர்.
காயமடைந்த அனைவரும் பனாரஸ் இந்து பல்கலைக்கழகத்தில் (BHU) உள்ள அவசர சிகிச்சைப் பிரிவுக்குக் கொண்டு செல்லப்பட்டனர். அங்கு அவர்கள் கண்காணிப்பில் உள்ளனர் என்று போலீசார் தெரிவித்தனர்.