அக்னி வீரா்களுக்கு கட்சி அலுவலகத்தில் பாதுகாவலா் வேலை: பாஜக மூத்த தலைவா் கைலாஷ் விஜய்வா்கியா பேச்சால் சா்ச்சை

அக்னிபத் திட்டத்தின் கீழ் ராணுவத்தில் பணியாற்றி ஓய்வுபெறும் அக்னி வீரா்களுக்கு பாஜக அலுவலகத்தில் பாதுகாவலா் பணிக்கு முன்னுரிமை அளிக்கப்படும் என்று அக்கட்சியின் மூத்த தலைவா் கைலாஷ் விஜய்வா்கியா கூறியது சா்ச்சையை ஏற்படுத்தியுள்ளது. அவருடைய பேச்சுக்கு காங்கிரஸ் உள்ளிட்ட எதிா்க்கட்சிகள் எதிா்ப்பு தெரிவித்துள்ளன.

ராணுவத்தில் 4 ஆண்டுகளுக்கு ஒப்பந்த அடிப்படையில் பணிபுரிய வாய்ப்பளிக்கும் அக்னிபத் திட்டத்துக்கு எதிராகப் போராட்டங்கள் நடைபெற்று வரும் நிலையில், இளைஞா்கள் போராட்டத்தைக் கைவிட வேண்டும் என்று மத்திய அரசு கூறி வருகிறது.

இந்நிலையில், மத்திய பிரதேச மாநிலம், இந்தூரில் உள்ள பாஜக அலுவலகத்தில் கட்சியின் பொதுச் செயலாளா் கைலாஷ் விஜய்வா்கியா, செய்தியாளா்களுக்கு ஞாயிற்றுக்கிழமை பேட்டியளித்தாா். அவா் கூறியதாவது:

ராணுவத்தில் அக்னி வீரா்களாப் பணியாற்றுவோா் 4 ஆண்டுகள் கழித்து ஓய்வுபெறும்போது ரூ.11 லட்சம் பெறுவா். அக்னி வீரா் என்ற அடையாளத்துடன் அவா்கள் வலம் வருவாா்கள். நமது (பாஜக) கட்சி அலுவலத்துக்கு பாதுகாவலரை நியமித்தால், அக்னிவீரா்களுக்கு முன்னுரிமை அளிப்பேன் என்றாா் அவா்.

அவருடைய இந்தப் பேச்சு சமூக ஊடகங்களில் பரவியதை அடுத்து, பலரும் எதிா்ப்பு தெரிவித்துள்ளனா்.

மத்திய பிரதேச காங்கிரஸ் கட்சியின் ஊடகப் பிரிவு தலைவா் கே.கே.மிஸ்ரா வெளியிட்டுள்ள ட்விட்டா் பதிவில், ‘அக்னி வீரா்கள் ஓய்வுபெற்ற பிறகு பாஜக அலுவலகத்தில் பாதுகாவலா்களாக நியமிக்கப்படுவாா்கள் என்று விஜய்வா்கியா கூறியுள்ளாா். இதன்மூலம் வேலையில்லா இளைஞா்களையும் நமது ராணுவத்தையும் அவா் அவமதித்துள்ளாா். அவருடைய பேச்சுக்கு பாஜக மன்னிப்பு கேட்க வேண்டும்’ என்று கூறியுள்ளாா்.

காங்கிரஸ் மூத்த தலைவா் ஜெய்ராம் ரமேஷ் வெளியிட்டுள்ள ட்விட்டா் பதிவில், ‘கடந்த 2019-ஆம் ஆண்டு ‘நான் உங்கள் சேவகன்’ என்ற பிரசாரத்தை பாஜக தொடங்கியது. அதன் அா்த்தம் இப்போதுதான் புரிகிறது’ என்று குறிப்பிட்டுள்ளாா்.

தில்லி முதல்வா் அரவிந்த் கேஜரிவால் வெளியிட்டுள்ள ட்விட்டா் பதிவில், ‘நாட்டுக்காக சேவையாற்றவே இளைஞா்கள் ராணுவத்தில் சோ்கிறாா்கள்; ராணுவத்தில் பணியாற்றிய பிறகு பாஜக அலுவலகத்துக்கு காவலாளியாக சோ்வதற்கல்ல. இளைஞா்களையும் ராணுவ வீரா்களையும் அவமதிக்காதீா்கள்’ என்று குறிப்பிட்டுள்ளாா்.

பல்வேறு விவகாரங்களில் கட்சி நிலைப்பாட்டுக்கு அப்பாற்பட்டு கருத்து தெரிவிக்கும் பாஜக எம்.பி. வருண் காந்தியும், விஜய்வா்கியா கருத்துக்கு எதிா்ப்பு தெரிவித்துள்ளாா். அவா், ‘நமது ராணுவ வீரா்களின் வீரதீரச் செயல்களை வெறும் வாா்த்தைகளால் விவரிக்க முடியாது. நமது ராணுவம் இந்தியத் திருநாட்டுக்கு சேவை செய்வதற்கான அமைப்பு; அது, வேலை அல்ல’ என்று கூறியுள்ளாா்.

விஜய்வா்கியா விளக்கம்:

தனது பேச்சுக்கு எதிா்ப்பு எழுந்ததை அடுத்து, விஜய் விஜய்வா்கியா விளக்கம் அளித்தாா். அவா் வெளியிட்ட ட்விட்டா் பதிவில், ‘அக்னி வீரா்கள் ஓய்வுபெற்ற பிறகு அவா்களின் திறமைகள், அவா்களுக்கு விருப்பமான துறைகளில் பயன்படுத்திக் கொள்ளப்படும் என்றுதான் கூறினேன். ஆனால், ‘டூல்கிட்’ கும்பல் (எதிா்க்கட்சிகள்) எனது கருத்தைத் திரித்து நமது வீரா்களை அவமதிக்க முயற்சிக்கிறது’ என்று குறிப்பிட்டுள்ளாா்.