உ.பி. தோ்தல்: 0.43% வாக்குகள் மட்டுமே பெற்ற ஓவைசி கட்சி

லக்னெள: உத்தர பிரதேச சட்டப்பேரவைத் தோ்தலில் அசாதுதீன் ஓவைசியின் மஜ்லிஸ்-இ-இதெஹாதுல் முஸ்லிமீன் கட்சி மொத்தமுள்ள 403 தொகுதிகளிலும் சராசரியாக 0.43 சதவீத வாக்குகளை மட்டுமே பெற்றிருப்பது தோ்தல் ஆணைய வலைதள புள்ளிவிவரங்களின் அடிப்படையில் தெரியவந்துள்ளது.

தோ்தலில் அக் கட்சி சாா்பில் போட்டியிட்ட பெரும்பாலான வேட்பாளா்கள் அதிகபட்சமாக 5,000-க்கும் மேல் வாக்குகளைப் பெறவில்லை என்பதும் தெரியவந்துள்ளது.

உத்தர பிரதேச சட்டப்பேரவைத் தோ்தலில் முஸ்லிகளின் ஆதரவை ஈா்க்கும் வகையில், அந்தச் சமூகத்தினா் அதிகம் வசிக்கும் நூற்றுக்கும் அதிகமான தொகுதிகளில் தனது வேட்பாளா்களை இக் கட்சி களமிறக்கியது. இருந்தபோதும், ஒட்டுமொத்தமாக 0.43 சதவீத வாக்குகளை மட்டுமே பெற்று அக் கட்சி படு தோல்வியை சந்தித்துள்ளது.

கடந்த 2017 உத்தர பிரதேச சட்டப்பேரவைத் தோ்தலில் மஜ்லிஸ்-இ-இதெஹாதுல் முஸ்லிமீன் கட்சி 38 தொகுதிகளில் போட்டியிட்டது. அதில் 37 தொகுதிகளில் போட்டியிட்ட அக் கட்சி வேட்பாளா்கள் டெபாசிட் தொகையை இழந்தனா்.