லக்கீம்பூா் கெரி, ஹாத்ரஸ், உன்னாவில் பாஜக வெற்றி

லக்கீம்பூா்: உத்தர பிரதேச பேரவைத் தோ்தலில் லக்கீம்பூா் கெரி, ஹாத்ரஸ், உன்னாவ் தொகுதிகளில் பாஜக வெற்றி பெற்றுள்ளது.

கடந்த ஆண்டு அக்டோபா் மாதம் உத்தர பிரதேசத்தில் உள்ள லக்கீம்பூா் கெரியில் நடைபெற்ற போராட்டத்தின்போது விவசாயிகள் மீது காா்கள் மோதின. அதனைத்தொடா்ந்து வன்முறை ஏற்பட்டது. இந்தச் சம்பவத்தில் 4 விவசாயிகள் உள்பட 8 போ் உயிரிழந்தனா்.

விவசாயிகள் மீது மோதிய காா்களில் மத்திய உள்துறை அமைச்சா் அஜய் மிஸ்ராவின் மகன் ஆசிஷ் மிஸ்ரா இருந்ததாகக் குற்றச்சாட்டு எழுந்தது. இதையடுத்து அவா் கைது செய்யப்பட்டு சிறையில் அடைக்கப்பட்ட நிலையில், கடந்த மாதம் ஆசிஷ் மிஸ்ராவுக்கு ஜாமீன் அளிக்கப்பட்டது. இந்தச் சம்பவத்தால் பாஜகவுக்கு எழுந்த எதிா்ப்பு பேரவைத் தோ்தலில் எதிரொலிக்கலாம் என்று கருதப்பட்டது. ஆனால் லக்கீம்பூா் கெரி மாவட்டத்தில் இருந்த 8 தொகுதிகளிலும் பாஜக வெற்றி பெற்றது.

ஹாத்ரஸ்...: கடந்த 2020-ஆம் ஆண்டு உத்தர பிரதேச மாநிலம் ஹாத்ரஸ் பகுதியில் சுமாா் 20 வயது மதிக்கத்தக்க தலித் பெண்ணை உயா் ஜாதியைச் சோ்ந்த சிலா் கூட்டு பாலியல் வன்கொடுமைக்கு உள்ளாக்கினா். அந்தப் பெண்ணின் உடலை குடும்பத்தினா் சம்மதமில்லாமல் இரவோடு இரவாக காவல்துறையினா் எரித்தது பிரச்னையை தீவிரமடையச் செய்தது. இந்தச் சம்பவம் நாடு முழுவதும் அதிா்வலைகளை ஏற்படுத்தியிருந்த நிலையில், பேரவைத் தோ்தலில் ஹாத்ரஸ் தொகுதியில் போட்டியிட்ட பாஜக வேட்பாளா் அஞ்சுலா சிங் வெற்றி பெற்றுள்ளாா்.

உன்னாவ்...: கடந்த 2017-ஆம் ஆண்டு உத்தர பிரதேச மாநிலம் உன்னாவில் 17 வயது சிறுமியை பாஜக எம்எல்ஏவாக இருந்த குல்தீப் சிங் செங்கா் பாலியல் வன்கொடுமைக்கு உள்ளாக்கினாா். இந்தச் சம்பவம் பாஜகவுக்கு அவப்பெயரை ஏற்படுத்திய நிலையில், உன்னாவ் தொகுதியில் பாஜக வெற்றிபெற வாய்ப்பில்லை எனக் கருதப்பட்டது. ஆனால் அந்தத் தொகுதியில் பாஜக வேட்பாளா் பங்கஜ் குப்தா 1,26,670 வாக்குகள் பெற்று வெற்றியடைந்தாா்.