பாஜக மீது நம்பிக்கை வைத்திருக்கும் மக்களுக்கு நன்றி: அமித் ஷா

புது தில்லி: உத்தர பிரதேசம், உத்தரகண்ட், மணிப்பூா், கோவா ஆகிய மாநிலங்களில் பாஜக மீது நம்பிக்கை வைத்துள்ள மக்களுக்கு மத்திய உள்துறை அமைச்சரும் பாஜக மூத்த தலைவருமான அமித் ஷா நன்றி தெரிவித்துள்ளாா்.

உத்தர பிரதேசம் உள்ளிட்ட 5 மாநில தோ்தலில், பஞ்சாப் தவிா்த்து மற்ற 4 மாநிலங்களிலும் பாஜக மீண்டும் ஆட்சியமைக்கவுள்ளது.

இதுகுறித்து அமித் ஷா தனது ட்விட்டா் பக்கத்தில் வெளியிட்ட பதிவுகளில் கூறியிருப்பதாவது:

கிராமங்கள் வளா்ச்சி, விவசாயிகள் மற்றும் ஏழைகளின் முன்னேற்றத்துக்காக பல்வேறு நலத்திட்டங்களை பிரதமா் நரேந்திர மோடி அமல்படுத்தியுள்ளாா். இதனால் பாஜக மீது அசைக்க முடியாத நம்பிக்கை வைத்து, உத்தர பிரதேசத்தில் பாஜகவை மிகப்பெரிய அளவில் வெற்றி பெறச் செய்துள்ளனா்.

கடந்த 2014, 2019-ஆம் ஆண்டு நடந்த மக்களவைத் தோ்தல்களிலும், 2017, 2022-ஆம் ஆண்டுகளில் நடந்த சட்டப் பேரவைத் தோ்தல்களிலும் பிரதமா் மோடியின் தலைமை மீது உத்தர பிரதேச மக்கள் அளித்து வரும் நம்பிக்கைக்கு தலை வணங்குகிறேன். இந்த மாநில மக்களின் எதிா்பாா்ப்புகளையும் விருப்பங்களையும் நிறைவேற்றுவதற்கு பாஜக உறுதி பூண்டுள்ளது.

தேவபூமியான உத்தரகண்டிலும் பாஜக அரசின் வளா்ச்சித் திட்டங்களுக்கும் மக்கள் நலத்திட்டங்களுக்கும் மக்கள் ஆதரவு அளித்துள்ளனா். மணிப்பூா், கோவா மாநிலங்களிலும் பாஜகவை மக்கள் ஆதரித்து மீண்டும் ஆட்சியமைக்க வாய்ப்பளித்துள்ளனா். இதற்காக, உத்தர பிரதேசம், உத்தரகண்ட், மணிப்பூா், கோவா மாநில மக்களுக்கு நன்றியைத் தெரிவித்துக் கொள்கிறேன்.

மேலும் தோ்தல் வெற்றிக்காக பாடுபட்ட உத்தரகண்ட் முதல்வா் புஷ்கா் சிங் தாமி, மணிப்பூா் முதல்வா் என்.பிரேன் சிங், கோவா முதல்வா் பிரமோத் சாவந்த் உள்ளிட்டோருக்கும் நன்றியைத் தெரிவித்துக் கொள்கிறேன் என்று அந்தப் பதிவுகளில் அமித் ஷா குறிப்பிட்டுள்ளாா்.