ஜம்மு-காஷ்மீா் பாதுகாப்பு: அமித் ஷா ஆலோசனை

இரண்டு நாள் சுற்றுப் பயணமாக ஜம்மு சென்றுள்ள மத்திய உள்துறை அமைச்சா் அமித் ஷா ஜம்மு-காஷ்மீா் பாதுகாப்பு நிலவரம் குறித்து துணை நிலை ஆளுநா் மனோஜ் சின்ஹா, மூத்த அதிகாரிகளுடன் சனிக்கிழமை ஆலோசனை நடத்தினாா்.

ஆலோசனைக் கூட்டத்தின்போது, காஷ்மீரில் கடந்த 2018-ஆம் ஆண்டு, 417-ஆக இருந்த தீவிரவாத சம்பவங்களின் எண்ணிக்கை, 2021-இல் 229-ஆக குறைந்துள்ளதையும், 2018-இல் 91-ஆக இருந்த வீரா்களின் பலி எண்ணிக்கை, 2021-ஆம் ஆண்டில் 42-ஆக குறைந்துள்ளதையும் மத்திய உள்துறை அமைச்சா் பாராட்டினாா்.

பயங்கரவாதிகளுக்கு எதிராக கடும் நடவடிக்கை எடுக்க வேண்டும் எனவும், காஷ்மீா் பயங்கரவாதிகளின் புகலிடமாகவும், நிதி உதவி பெறும் இடமாகவும் இருக்கக் கூடாது எனவும் அவா் தெரிவித்தாா். தீவிரவாதத் தேடுதல் நடவடிக்கைகளைப் பாதுகாப்புப் படையினரும், போலீஸாரும் ஒருங்கிணைந்து மேற்கொள்ள வேண்டும் என்றும், சிறையில் தீவிரவாதிகளின் செயல்பாடுகளை கண்காணிக்க வேண்டும் என்றும் அவா் உத்தரவிட்டாா். போதைப் பொருள் கடத்தலைத் தடுக்க, போதைப் பொருள் தடுப்புப் பிரிவை மேலும் வலுப்படுத்த வேண்டும் எனவும் மத்திய உள்துறை அமைச்சா் உத்தரவிட்டாா் என்றும் ஜம்மு காஷ்மீா் நிா்வாகத்தின் செய்தித் தொடா்பாளா் கூறினாா்.

முன்னதாக, சிஆா்பிஎஃப் படை உருவாக்கப்பட்டதன் 83-ஆவது ஆண்டு தினத்தையொட்டி ஜம்முவில் உள்ள மெளலானா ஆசாத் மைதானத்தில் நடைபெற்ற அணிவகுப்பை அமைச்சா் அமித் ஷா பாா்வையிட்டாா்.