சுய உதவிக்குழு பெண்களுடன் 'மோமோஸ்' சமைத்த முதல்வர் மம்தா

மேற்கு வங்கத்தில் டார்ஜிலிங் பகுதியிலுள்ள சுய உதவிக் குழு பெண்களுடன் சேர்ந்து முதல்வர் மம்தா பானர்ஜி 'மோமேஸ்' என்ற உணவு வகையை சமைத்தார். 

மேற்கு வங்கத்திலுள்ள மலை மற்றும் சுற்றுலா தலமான டார்ஜிலிங் பகுதிக்கு முதல்வர் மம்தா பானர்ஜி சென்றார். பயணத்தின் கடைசி நாளான இன்று (மார்ச் 31) காலை அவர் நடைபயிற்சி மேற்கொண்டார்.

படிக்க | வடகிழக்கில் ஏஎஃப்எஸ்பிஏ பகுதிகள் குறைப்பு: அமித் ஷா

அப்போது அப்பகுதியில் மகளிர் சுயஉதவிக் குழுவைச் சேர்ந்த மகளிர் நடத்தி வந்த மோமோஸ் (உணவு வகை) கடையைப் பார்வையிட்டார். அவர்களுடன் பேசிய மம்தா பானர்ஜி அவர்களுடன் சேர்ந்து மோமோஸ் சமைத்தார். 

படிக்க | கரோனா கட்டுப்பாடுகளை விலக்கியது மகாராஷ்டிரம்; முகக்கவசம் கட்டாயமில்லை

பிசைந்து வைத்திருந்த மாவை எடுத்து உள்ளடக்கம் வைத்து மடித்து மோமோஸ் செய்தார். இதனை அப்பகுதியில் இருந்த மக்கள் பார்த்து புகைப்படம் மற்றும் விடியோ எடுத்துக்கொண்டனர். மகளிர் சுய உதவிக் குழுவைச் சேர்ந்த பெண்களுடன் சேர்ந்து அவர்களைப் போன்றே மோமோஸ் சமைத்த மம்தாவை அப்பகுதி மக்கள் வெகுவாகப் பாராட்டினர். மேலும் மம்தாவுடன் சேர்ந்து புகைப்படம் எடுத்துக்கொண்டனர்.