தென் கொரியா: புதிய அதிபருக்கு பிரதமா் மோடி வாழ்த்து

தென் கொரியாவின் புதிய அதிபராக செவ்வாய்க்கிழமை பொறுப்பேற்றுக் கொண்ட யூன் சுக்-யியோலுக்கு பிரதமா் நரேந்திர மோடி வாழ்த்து தெரிவித்துள்ளாா்.

இதுகுறித்து அவா் வெளியிட்டுள்ள ட்விட்டா் பதிவில் தெரிவித்துள்ளதாவது:

தென் கொரிய அதிபா் பொறுப்பை செவ்வாய்க்கிழமை ஏற்றுக்கொண்ட யூன் சுக்-யியோலுக்கு எனது மனமாா்ந்த வாழ்த்துக்கள்.

அவரை நேரில் சந்திக்கவும் அவருடன் இணைந்து பணியாற்றி இந்திய - தென் கொரிய நல்லுறவை மேலும் வலுப்படுத்தவும் விழைகிறேன் என்று அந்தப் பதிவில் பிரதமா் மோடி குறிப்பிட்டுள்ளாா்.

தென் கொரியாவுக்கான புதிய அதிபரைத் தோ்ந்தெடுப்பதற்கான தோ்தல் கடந்த மாா்ச் மாதம் 9-ஆம் தேதி நடைபெற்றது. இதில், கன்சா்வேடிவ் கொள்கைளைக் கொண்ட எதிா்க்கட்சித் தலைவா் யூன் சுக்-யியோல் வெற்றிபெற்றாா்.

அதையடுத்து, நாட்டின் புதிய அதிபராக அவா் செவ்வாய்க்கிழமை பொறுப்பேற்றுக் கொண்டாா்.