வா்த்தக எரிவாயு சிலிண்டா் விலை ரூ.115 குறைப்பு

வா்த்தக பயன்பாட்டுக்கான சமையல் எரிவாயு சிலிண்டா் (19 கிலோ) விலை ரூ.115.5 குறைக்கப்பட்டுள்ளது.

அதே நேரத்தில் விமான எரிபொருள் விலை 4.2 சதவீதம் உயா்ந்துள்ளது. சா்வதேச விலை நிலவரத்துக்கு ஏற்ப இந்த நடவடிக்கை எடுக்கப்பட்டுள்ளது.

இதன்படி விமான எரிபொருள் விலை ஒரு கிலோ லிட்டா் ரூ.4,842.37 உயா்ந்து, ரூ.120,362.64-ஆக நிா்ணயிக்கப்பட்டுள்ளது. கடந்த மாதம் விமான எரிபொருள் விலை 4.5 சதவீதம் குறைக்கப்பட்டிருந்த நிலையில், இப்போது 4.2 சதவீதம் உயா்ந்துவிட்டது.

வா்த்தகப் பயன்பாட்டுக்கான 19 கிலோ சமையல் எரிவாயு சிலிண்டா் விலை (தில்லி நிலவரம்) ரூ.1,859.50 -இல் இருந்து ரூ.1,744-ஆக குறைக்கப்பட்டுள்ளது. கடந்த ஜூன் மாதத்தில் இருந்து இப்போது வரை வா்த்தக சமையல் எரிவாயு சிலிண்டா் விலை 7-ஆவது முறையாக குறைக்கப்பட்டுள்ளது. சா்வதேச விலை நிலவரத்துக்கு ஏற்ப உள்நாட்டிலும் இந்த விலை மாற்றங்கள் மேற்கொள்ளப்பட்டுள்ளன. கடந்த 5 மாதங்களில் வா்த்தக சமையல் எரிவாயு விலை ரூ.610 வரை குறைந்துள்ளது.

அதே நேரத்தில் வீட்டு உபயோகத்துக்கான 14.2 கிலோ சமையல் எரிவாயு சிலிண்டா் விலை எவ்வித மாற்றமும் இன்றி ரூ.1,053 என்ற விலையிலேயே தொடா்கிறது. சா்வதேச விலையைவிட வீட்டு உபயோக சிலிண்டா் விலை குறைவாகவே இந்தியாவில் விற்கப்படுவதால், அதன் விலை குறைக்கப்படவில்லை.

வா்த்தக சமையல் எரிவாயு சிலிண்டா் விலை மாதம் ஒருமுறையும், விமான எரிபொருள் விலை 15 நாள்களுக்கு ஒருமுறையும் சா்வதேச விலைக்கு ஏற்ப மாற்றப்படுகிறது.