குஜராத் பால விபத்து: உச்சநீதிமன்றம் நவ. 14-இல் விசாரணை

குஜராத் பால விபத்து குறித்து விசாரணை மேற்கொள்ள முன்னாள் உச்சநீதிமன்ற நீதிபதி தலைமையிலான ஆணையத்தை அமைக்கக் கோரி தாக்கல் செய்யப்பட்ட பொதுநல மனுவை வரும் நவம்பா் 14-ஆம் தேதி விசாரிக்க உச்சநீதிமன்றம் பட்டியலிட்டுள்ளது.

வழக்குரைஞா் விஷால் செவ்வாய்க்கிழமை தாக்கல் செய்த இந்த மனுவில், ‘இச்சம்பவம் குறித்து விசாரணை நடத்த ஓய்வு பெற்ற உச்சநீதிமன்ற நீதிபதி தலைமையிலான விசாரணை ஆணையத்தை அமைக்க உத்தரவிட வேண்டும்’ எனக் குறிப்பிட்டிருந்தாா்.

இம்மனுவை பரிசீலனைக்கு எடுத்துக்கொண்ட உச்சநீதிமன்றத் தலைமை நீதிபதி யு.யு. லலித், நீதிபதி பேலா எம் திரிவேதி அடங்கிய அமா்வு, இம்மனு வரும் நவம்பா் 14-ஆம் தேதி விசாரணைக்கு எடுத்துக் கொள்ளப்படும் என தெரிவித்தது.