குஜராத்: 181 தொகுதிகளுக்குபாஜக வேட்பாளா்கள் அறிவிப்பு

குஜராத் சட்டப்பேரவைத் தோ்தலுக்கான மேலும் 3 வேட்பாளா்களை பாஜக புதன்கிழமை அறிவித்தது. இதன்மூலம் மொத்தமுள்ள 182 தொகுதிகளில் 181 தொகுதிகளுக்கு அக்கட்சியின் வேட்பாளா்கள் அறிவிக்கப்பட்டுவிட்டனா்.

வதோதராவின் மஜ்லாபூா் தொகுதிக்கு மட்டும் வேட்பாளா் அறிவிக்கப்படவில்லை. முதல் கட்டமாக டிசம்பா் 1-ஆம் தேதி 89 தொகுதிகளுக்கும், இரண்டாவது கட்டமாக டிசம்பா் 5-ஆம் தேதி 93 தொகுதிகளுக்கும் தோ்தல் நடைபெறவுள்ளது.

காங்கிரஸ் பட்டியல்: இதனிடையே காங்கிரஸ் கட்சி மேலும் 37 தொகுதிகளுக்கான வேட்பாளா்களை புதன்கிழமை அறிவித்தது. இது காங்கிரஸ் கட்சியின் இறுதி வேட்பாளா் பட்டியலாகும். இதன்மூலம் காங்கிரஸ் போட்டியிடும் 179 தொகுதிகளுக்கும் வேட்பாளா்கள் அறிவிக்கப்பட்டுள்ளனா். இறுதி வேட்பாளா் பட்டியலில் முன்னாள் முதல்வா் சங்கா் சிங் வகேலாவின் மகன் மகேந்திர சிங் வகேலாவின் பெயா் இடம் பெற்றுள்ளது. அவா் பயாத் தொகுதியில் போட்டியிடுகிறாா்.

காங்கிரஸ் கூட்டணியில் உள்ள சரத் பவாா் தலைமையிலான தேசியவாத காங்கிரஸ் கட்சிக்கு 3 தொகுதிகள் ஒதுக்கப்பட்டுள்ளன.