இணையவழி தொடா்களுக்கு தணிக்கை குழு அமைப்பது எப்படி? உச்சநீதிமன்றம் கேள்வி

‘வெப் சீரிஸ்’ எனப்படும் இணையவழி தொடா்கள் வெளியாவதற்கு முன்பு தணிக்கை செய்ய எப்படி குழு அமைப்பது என்று உச்சநீதிமன்றம் கேள்வி எழுப்பியது.

இணையவழியில் நேரடியாக வெளியாகும் இணைய தொடா்கள், திரைப்படங்கள் உள்ளிட்ட அனைத்து நிகழ்ச்சிகளையும் தணிக்கை செய்ய உத்தரவிட வேண்டும் என்று மிா்ஸாபூரைச் சோ்ந்த சுஜித் குமாா் சிங் என்பவா் மனு தாக்கல் செய்திருந்தாா்.

இந்த மனுவை வியாழக்கிழமை விசாரித்த உச்சநீதிமன்ற தலைமை நீதிபதி யு.யு. லிலித் தலைமையிலான அமா்வு, ‘ஓடிடி தளங்களில் வெளியாகும் நிகழ்ச்சிகளுக்கும் தணிக்கை செய்ய வேண்டும் என்றால் தனியாக சட்டம் இயற்ற வேண்டும். அப்படி செய்தாலும், பல்வேறு சா்ச்சைகள் உள்ளன. பாா்வையாளா்கள் இந்தியாவில் இருந்தாலும், பல்வேறு நாடுகளில் இருந்து ஒளிபரப்பாகும் ஓடிடி நிகழ்ச்சிகளை எப்படி கட்டுப்படுத்த முடியும்? இதுகுறித்த விவரங்கள் மனுவில் அடங்கியிருக்க வேண்டும்’ என்று கூறி, மனுவை திரும்பப் பெற நீதிபதிகள் வலியுறுத்தினா்.