உலகின் 3-வது பெரிய பணக்காரரானார் அதானி: ஆசியாவில் முதலிடம்!

உலக பணக்காரர்களின் பட்டியலில் பெர்னார்ட் அர்னால்ட்யைப் பின்னுக்குத் தள்ளி 3-வது  இடத்தைப் பிடித்தார் அதானி.
அதானி குழுமத்தின் தலைவர் கௌதம் அதானி
அதானி குழுமத்தின் தலைவர் கௌதம் அதானி

உலக பணக்காரர்களின் பட்டியலில் பெர்னார்ட் அர்னால்ட்யைப் பின்னுக்குத் தள்ளி 3-வது  இடத்தைப் பிடித்தார் அதானி.

அதானி குழுமத்தின் நிறுவனர் கௌதம் அதானி(60) உலகளவில் மிக வேகமாக வளர்ந்து வரும் தொழிலதிபர். உலகின் பெரும் பணக்காரர்களின் பட்டியலில் இருப்பவர்.

இந்நிலையில், ப்ளூம்பெர்க் பில்லியனர்ஸ் இண்டெக்ஸ் வெளியிட்ட உலக பணக்காரர்கள் பட்டியலில் கௌதம் அதானி 137.4 பில்லியன் டாலர் (ரூ. 10.8 லட்சம் கோடி) சொத்து மதிப்புடன் 3-வது இடம் பிடித்துள்ளார்.

கடந்த ஜூலை மாதம் 100 பில்லியன் டாலர் சொத்து மதிப்பு கொண்டவர்கள் பட்டியலில் இடம்பிடித்ததுடன் உலகின் 4-வது பெரிய பணக்காரராக இருந்தார்.

இந்நிலையில் தற்போது, பணக்காரர்கள் பட்டியலில் ஆசியாவில் முதலிடத்தையும் உலகளவில் 3-வது இடத்தையும் பிடித்துள்ளார்.

உலக பணக்காரர்கள் பட்டியலில் எலான் மஸ்க் (ரூ. 20 லட்சம் கோடி) முதலிடத்திலும் அமேசான் நிறுவனர் ஜெஃப் ஃபேசோஸ் (ரூ. 12.4 லட்சம் கோடி) 2-வது மற்றும் எல்விஎம்எச் நிர்வாக இயக்குநர் பெர்னார்ட் அர்னால்ட் (10.6 லட்சம் கோடி) 4-வது இடத்திலும் உள்ளனர்.

மைக்ரோசாஃப்ட் நிறுவனர் பில்கேட்ஸ் 111.4 பில்லியன் (ரூ. 8.9 லட்சம் கோடி) சொத்து மதிப்பில் 5-வது இடத்தில் உள்ளார்.

ரிலையன்ஸ் குழுமத்தின் தலைவர் முகேஷ் அம்பானி 7.4 லட்சம் கோடியுடன் 10 ஆம் இடத்திலிருந்து 11-வது இடத்திற்குப் பின்னடைந்துள்ளார்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com