குஜராத்தில் பாஜக; ஹிமாசலில் காங்கிரஸ் முன்னிலை!

குஜராத் சட்டப்பேரவைத் தேர்தலில் பாஜகவும், ஹிமாசல பிரதேசத்தில் காங்கிரஸும் தொடர்ந்து முன்னிலை வகித்து வருகின்றன.

குஜராத்தில் உள்ள 182 தொகுதிகளுக்கு கடந்த 1, 5 ஆகிய தேதிகளில் இரு கட்டங்களாகவும், ஹிமாசல பிரதேசத்தில் 68 இடங்களைக் கொண்ட சட்டப்பேரவைக்கு நவம்பா் 12-ஆம் தேதி ஒரே கட்டமாகவும் தோ்தல் நடைபெற்றது.

இந்த தேர்தல்களில் பதிவான வாக்குகளை எண்ணும் பணி இன்று நடைபெற்று வருகின்றது.

காலை 9 மணி நிலவரப்படி குஜராத்தில் பாஜக 139, காங்கிரஸ் 29, ஆம் ஆத்மி 9 இடங்களில் முன்னிலை வகித்து வருகின்றன. ஹிமாசலில் காங்கிரஸ் 38, பாஜக 28 இடங்களில் முன்னிலை வகித்து வருகின்றன.

இதையும் படிக்க | குஜராத்தில் ஜடேஜா மனைவி முன்னிலை!

குஜராத்தில் அமைக்கப்பட்டுள்ள 37 வாக்கு எண்ணும் மையங்களிலும், ஹிமாசலில் அமைக்கப்பட்டுள்ள 68 வாக்கு எண்ணும் மையங்களிலும் பலத்த பாதுகாப்புடன் வாக்கு எண்ணிக்கை நடைபெற்று வருகின்றது.