Enable Javscript for better performance
2 IndiGo planes avert mid-air collision over Bengaluru airport; DGCA to probe, take strict action- Dinamani

உடனுக்கு உடன் செய்திகள்

    வானில் நேருக்கு நேர் மோதவிருந்த இண்டிகோ விமானங்கள்: கடைசி நிமிடத்தில் தவிர்க்கப்பட்ட விபத்து!

    By DIN  |   Published On : 19th January 2022 07:17 PM  |   Last Updated : 19th January 2022 07:17 PM  |  அ+அ அ-  |  

    2 IndiGo planes avert mid-air collision over Bengaluru airport; DGCA to probe, take strict action

    கோப்புப்படம்


    பெங்களூரு விமான நிலையத்திலிருந்து புறப்பட்ட இரண்டு இண்டிகோ விமானங்கள் வானில் நேருக்கு நேர் மோதவிருந்தது கடைசி நிமிடத்தில் தவிர்க்கப்பட்டதாக விமானப் போக்குவரத்து இயக்குநரக (டிஜிசிஏ) மூத்த அதிகாரிகள் தெரிவித்துள்ளனர். 

    இதுபற்றி அதிகாரிகள் தெரிவித்ததாவது:

    "இரண்டு இண்டிகோ விமானங்கள் 6E455 (பெங்களூரு - கொல்கத்தா) மற்றும் 6E246 (பெங்களூரு - புவனேஷ்வர்) பெங்களூரு விமான நிலையத்தில் 'பிரீச் ஆஃப் செபரேஷன்'-இல் ஈடுபட்டன.

    இதையும் படிக்கசர்வதேச விமான சேவைக்கான தடை பிப். 28 வரை நீட்டிப்பு: மத்திய அரசு

    இரண்டு விமானங்கள் வான்வெளியில் குறைந்தபட்ச கட்டாய செங்குத்தான தூரம் அல்லது கிடைமட்ட தூரத்தைக் கடக்கும்போது 'பிரீச் ஆஃப் செபரேஷன் நிகழும். ஜனவரி 9-ம் தேதி காலை இரண்டு விமானங்களும் ஏறத்தாழ 5 நிமிட இடைவெளியில் பெங்களூரு விமான நிலையத்திலிருந்து புறப்பட்டுள்ளன. புறப்பட்டவுடன் இரண்டு விமானங்களும் நேருக்கு நேர் சென்றன.

    ரேடார் கன்ட்ரோலர் மூலம் இரண்டு விமானங்களும் வானில் நேருக்கு நேர் மோதவிருந்தது தவிர்க்கப்பட்டது" என்றனர்.

    இந்த சம்பவம் எங்கும் அதிகாரப்பூர்வமாகப் பதிவாகவில்லை என்றும் ஏர்போர்ட்ஸ் அதாரிட்டி ஆஃப் இந்தியாவும் இதை வெளியிடவில்லை என்றும் அவர்கள் தெரிவித்தனர்.

    இந்த விவகாரம் குறித்து பிடிஐ செய்தி நிறுவனம் கேட்டதற்கு இண்டிகோ மற்றும் ஏர்போர்ட்ஸ் அதாரிட்டி ஆஃப் இந்தியா கருத்து தெரிவிக்க மறுத்துவிட்டன.

    டிஜிசிஏ தலைவர் அருண் குமார் பிடிஐ செய்தி நிறுவனத்திடம் கூறுகையில், "சம்பவம் குறித்து விசாரணை நடைபெற்று வருகிறது. தவறு செய்தவர் மீது கடுமையான நடவடிக்கை மேற்கொள்ளப்படும்" என்றார்.


    TAGS
    Indigo

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp