பிகார்: மொபைல் போனை விழுங்கிய சிறைக் கைதி

பிகார் சிறையில் அதிகாரிகளின் சோதனைக்குப் பயந்து கைதி ஒருவர் மொபைல் போனை விழுங்கிய சம்பவம் அதிர்ச்சியை ஏற்படுத்தியுள்ளது. 

பிகார், மாநிலம் கோபால்கஞ்ச் மாவட்டச் சிறையில் கைஷார் அலி என்பவர் வழக்கு ஒன்றில் கைது செய்யப்பட்டு கடந்த மூன்று ஆண்டுகளாக சிறையில் உள்ளார். நேற்று அவருக்கு திடீரென கடுமையான வலிற்று வலி ஏற்பட்டுள்ளது.

சனிக்கிழமை சிறையில் மேற்கொள்ளப்பட்ட சோதனையின்போது அதிகாரிகளுக்குப் பயந்து மொபைல் போனை விழுங்கியதாக அவர் தெரிவித்திருக்கிறார். 

இதனால் அதிர்ச்சியடைந்த சிறை அதிகாரிகள் உடனடியாக கோபால்கஞ்ச் மாவட்ட மருத்துவமனைக்கு கொண்டு சென்றனர். அங்கு கைதி வயிற்றில் எக்ஸ்ரே எடுக்கப்பட்டது. அதில் வெளிநாட்டு துகள்கள் இருப்பது தெரியவந்தது என்று கோபால்கஞ்ச் சிறை கண்காணிப்பாளர் மனோஜ் குமார் தெரிவித்துள்ளார்.

இதையும் படிக்க- கிராமங்களை நோக்கி நாம் செல்ல வேண்டும்: கமல்ஹாசன்

பின்னர் அந்த கைதி மேல் சிகிச்சைக்காக பாட்னா மருத்துவக் கல்லூரி மற்றும் மருத்துவமனைக்கு அனுப்பி வைக்கப்பட்டார். மேலும் இதுதொடர்பாக விசாரணை நடைபெற்று வருகிறது. சிறைக் கைதி ஒருவர் மொபைல் போனை விழுங்கிய சம்பவம் பிகாரில் பரபரப்பை ஏற்படுத்தியுள்ளது.